Hej hej. Wiä scho gschriibä simmer hitt uf Dänemark.

Dunstiig:

Hitt simmer nachem z Morgä nu chlii gah spaziärä. Dernah simmer mit em Auto uber Öresundbrugg gfahrä. De simmer s Kobähagä acho. Dert hemmer mit em Boot en Sightseeimg Tour gmacht. Dernah simmer 2 Stund uf Esbjerg gfahrä. Hiä hemmer ds Hotäl am Meer.

LG Sasi😍😘

Hej hej. So inzwischä simmer nu morä ds Schwedä. De gemmer uf Dänemark.

Miitwuch:

Hitt haa ich d z Morgä uisfallä lah, da ich so miäd gsi bii. Am 10ni simmer de uf Älmhult is Ikea Museum gangä. Später simmer i Ikea dert i der Nechi. Nachdäm simmer wiiter uf Malmö gfahrä. Miär sind im gliichä Hotäl wiä scho vor einer Wuchä.

LG Sasi😍😘

Hey hey. Isy Schwedä Rundreis gad ubermorä ds Endi. Der nah simmer 4 Täg ds Dänemark.

Dsiistig:

Hiit am Morgä simmer wieder einisch friä am z Morgä gsi. Miär sind 1 Stund und ei viärtel Stund gfahrä. De simmer ds Vimmerby bii der Astrid Lingrens Värld acho. Ich bii vor 10 Jahr scho mal dert gsi. Ich haa mich sogar nu chlii chennä erinnerä. Dert hemmer versch. Uiffiärigä glioged. Äs isch sehr cool gsi. Am Namittag simmer de wiiter uf Växjö gfahrä.

LG Sasi😍😘

Hey hey. So scho inerä Wuchä fahrid miär wieder hei äs isch eifach krass wiä schnäll Ziit vergad.

Mändig:

Hitt simmer scho am viärtlab 7ni am z Morgä gsi, da i isem Hotäl so viil Reisegruppä gsi sind. Am 10ni simmer ufs Schiff, fiir is Vasa - Museum. Nachhär simmer nu Junibacken, das isch äs Museum uber Schwedischi Chindergschichtä. Nachem z Mittag, wieder einisch im Burger King, simmer is Auto und 2 Stund uf Linköhing gfahrä.

Morä gemmer ds Vimmerby i Astrid Lingrens Värld.

LG Sasi😍😘

Hey zämä. Sorry dass de Blog erst hitt chund aber gester bii ich eifach k.o. gsi.

Sunntig:

Zum z Morgä haa ich, wieder einisch Omälettä, gha. Nachhär simmer mit em Auto vo Örebro 220 km uf Stockholm gfahrä, d Hoiptstadt vo Schwedä. Miär sind scho am ca. 10ni scho da gsi, darum simmer durd Altstadt. Miär sind de äs Ticket fiird Boot gah lesä und sind mit dänä chlii gfahrä. Ds Schloss haa ich zwar scho vor 10 Jahr gseh, cha mich aber chuim nu erinnerä. Miär sind de inä Tiärpark namens Skansen, ich säg iu Luchs- Chätzli sind mega härzig, und d Bärä gsend wiä zum knuddlä uis.

LG Sasi😘😍

Hey zämä. Inzwischä simmer scho fast ä Wuchä unterwägs. Ich frei mich aber oi uf de Heimä. Miär gend am 22. wieder hei.

Samstig:

Hitt simmer ca. am 9i abgfahrä. Vo Trollhättan simmer Richtig Mariestad gfahrä. Miär hend am ca. halbi 12i ä Poisä bim nä Schloss uf ärä Halbinslä igleid. Wo mer zrug gfahrä sind simmer a nä Strand. Dert heds äs mega scheens Schwedähiisli gha, wiä usem Bilder Bioch. Wo mer vo dert uis wiiter Richtig Mariestad gfahrä sind, isch pletzlich ä Elch-Chio uber d Strass ghipft. Mä seid doch immer Elchä siggi gross, sie sind riesig. Später simmer de aber ds Örebro acho. Dert heds ä sehr grossä (58m) Wasserturm.

LG Sasi😍😘

Hey zämä. Miär sind scho bald ä Wuchä unterwägs. Hender gester Dunnstig Jass glioget, äs isch us Giswil cho und miär sind nid umä gsi.😡

Friitig:

Hitt simmer ca. am halbi 8i uifgschtandä. Da miär numä 75 km hend miässä fahrä, simmer ä Boots-Tour gah machä. Am 1 simmer de ds Trollhättan acho. Miärn sind chlii gah spaziärä und sind uber nä Brugh glufä, wo uifä fahrd wenn äs Schiff unä durä ufem Kanal fahrd. Spätet simmer gah Mini-Golfä ich bii zweit,vo hinnä, wordä. Nachhär simmer zrug is Hotäl.

Nu so näbä bii.

Ich winschä der a351itjk alles gioti zu ihrem Geburi.

LG Sasi😍😘

PS:unnä isch nu ds Bild vo der Brugg

Hey zämä. Hitt gids än wiiterä Blog uber mini Schwedä-Reis. Ich probiärä meglichst jedä Tag ä Blog ds schriibä. Viilicht gad das aber nid jedä Tag ä, darum chann äs sii dass a eimn Tag grad fiir zwei Täg ä Blog chund.

Dunstiig:

Hitt am Morgä simmer ca. am 8i am z Morgä gsi. Nachdäm miär isy Sachä packt hend simmer mit em Auto Richtig Nordä wiiter gfahrä. Da miär uf Goetheborg fahrid, und ufem Wäg dert hii lids Ullared Gekas Choifhuis. Das isch de grössti Ladä vo der Wält. Insgesamt isch de ganz Ladä 35.000 Quadratmeter gross, verglichswiis d Mall of Switzerland isch 65.000 Quadratmeter gross. Nachdäm miär ds Goetheborg acho sind, simmer chlii gah spaziärä.

Miär sind jetzt nu ä Wuchä ds Schwedä, nachhär gemmer nu 4 Täg uf Dänemark.

Med vänliga hälsningar Sasi😍😘

(Das heisst: LG)

Hey zämä. Miär sind hiit ds Schwedä acho. Miär sind aber scho siit em Mändig unterwägs.

Mändig:

Am Abig am ca. 9ni simmer ds Giswil (OW) abfgahrä. Miär aind uber Luzärä uf Basel gfahrä und dert uber d Gränzi. Nach mehrerä hundert Kilometer hemmer diä erst chliu Piosä igleid. Nach 2-3 Stund hemmer diä 2. gmacht, nach därä haa meh chennä schalfä als dervor.

Dsiistig:

Am Morgä bii ich am halbi 6i verwached. Diä ganz Nacht haa ich nid lang chennä schlafä. Darum bii ich oi de ganz Tag sehr miäd gsi. Nach em z Morgä, innerä Raststätt, simmer wiiter gfahrä Richtig Meer. Am 10ni simmer de oi am Meer acho. Dert hemmer äs paar Muschlä gsammlet. Zum z Mittag simmer im nä Mc Donalds gsi. Später simmer uber nä Brugg uf d Inslä Rügen. Isi Jugendherbärgä isch ds Prora gsi.

Miitwuch:

Nachem z Morgä simmer gah packä. Am 10ni simmer ufem Wäg uf Sassnitz gsi. Dert simmer a Hafä spaziärt und später id Altstadt. Nachhär simmer a Hafä gah icheckä fir uf d Fähri. Mit der Fähri simmer 4 Stund uf Schwedä gfahrä. Vom Hafä vo Trelleborg simmer uf Malmö gfahrä. Da simmer hetzt oi. Zum z Nacht simmer inä Irish- Pub, ich haa Cheese Burger gha, dä isch megä fein gsi.

Sind der oi ii dä Feriä oder gender erst nu?

Oder gender in äs Lager?

Falls iär fragä zur Reis oder zu Schwedä hend chender si i dä Kommentär schriibä oder per direkt Nachricht.

LG us Schwedä Sasi😘😍

PS: unnä sind nu Fotos

Hey zämä. Wiä diä meischtä haa jetzt oi ich Feriä. Viili verreisid wiä oi ich. Miär gend uf Schwedä. Miär sind vor 10 Jahr scho mal dertä gsi. Und jetzt gemmer mit der ganzä Famili. Ich haa beschlossä dass ich ab und zio ä Blog uber isy Reis machä.

Wär das nid ä gioti Idee?

LG Sasi😍😘

PS: Ich winschä allnä tolli Feriä.