Hallo liebe Zambo-🌍
Es tut mer ächt meegaa leid, dass ihr so lang uf dä Blog seit müesse warte!
Auso da wäre euchi frage und mini Antworte:
Lonacat09, Butterfly09
-Hesch Gschwüschterti oder Hustier?
Nei, Gschwüschterti hani nid aber i ha 3 Holländerchüngeli.
Tikaani
-I weles Land wünsch gärn mau gah?
Id Niederlande
-Dis Lieblingstier?
I ha kes richtigs😁Aber Nagetier und Chatze findi mega cool😉
-Weli Film-/Buechfigur würdsch gärn mau könne lerne?
Huii ganz schwirigi Frag... Da gits mehreri; Zum beispiel D'Flame vo "Die vier Zauberhaften Schwestern, oder d'Lottie aus "Prinzessin Undercover und no so via meh. Eigentlich gits i jedem Buch oder Film woni lise oder luege midestens ei Person woni wett kenne lerne.
Frgeman, Kimmie,Superrechner
-Was si dini Hobbys? Und wieso?/Was machsch i dinere Freizit?
Mini Hobbys si Klarinette spiele, Handlettering, dusse si mit Fründe und Fründinne öppis zäme mache, wöu ... ke ahnig es macht mi eifach mega glücklich
Vanilla
-Was schezisch am hüttige Tag am meischte?
Da i noni so lang wach bi, Ischl dass fasch 2h ha chönne läse.
Indira
-Weli 3 Gägeständ si dir am wichtigschte? Warum?
1.Mini Büecher, wöu i mega gärn lise und i chönt nid ohni sii 2.Mis Handy, wöu i det druffe mini Musig isch und mini soziale Kontäkt.
Was würdsch verändere wenn de Presidäntin vor ganze wäut wärsch? Und warum?
Das isch di best Frag, findi! Auso 1. würd i Wäutfride mache und dass niemer meh Obdachlos isch 2.Würd i für e Klimaschutz ihstah.
Kimmie, Mali28
Was isch dini Lieblingsjahreszit? und wieso? Oder Hesch lieber Sommer oder Winter?
I ha kei Lieblingsjahreszit.
Weles isch dis Lieblingsbuech und wieso?
Prinzessin Undercover, Woodwalkers, Die vier zauberhaften Schwestern, usw. i find haut auf Mega spannend und packend.
Tikaani, katze5
-Was für Musig hesch gärn?
Hip-Hop, Rap(aber nur Mundart) und mängisch Pop
Butterfly09
Wie gross bisch?
I gloub 170cm
Wohnschi de Stadt oder im Dorf?
I wohne im Dorf.
Bisch scho mau züglet?
Ja, einisch, aber im Dorf und nur es paar Strasse witer obe i es Hus.
Mali28
Was isch dis Lieblingsässe+trinke?
Mis Lieblingsässe isch zum einte Safranrisotto mit Bule aber nur vo mim Grossvater. Und mis Lieblingsgetränk isch, näbe Wasser, Rivella
Wenn du am ne Tag aues chöntsch mache, was wärs?
Hmm, auso am morge würd i usschlafe denn zum Zmorge Gipfeli und Züpfe näh, nächar mit Mine beste Fründinne uf Born go e Glace ässe und chli go lädele und am Abe uf Amsterdam i nes Hotel go übernachte.
wal9
Glace oder Chips?
Glace
Frei-oder Hallenbad?
Freibad
See oder Meer
Beides gliich
Z'Fuess oder Auto?
Z'Fuess
_______________________________________________________________________________
So das wäre euchi Frage und mini Antworte gsi😁
Merci vöu mau für euchi spannende Frage!
I Grüesse aui wo Frage gschickt hei und d'Lulu88 😍
Es Liebs Grüessli hui MeretLuisa😆
Wed, 18 Aug 2021 20:48:21 +0200
