https://strawpoll.de/xedyxs6

I fändis cool wenn der abstimmed

Mir si hüt mit de drü 7/8. Sek Klasse nach Bärn ufe Gurte es isch mega schön gsi!

Hallo😄

Ig bi jetz ie die 7. Klass cho u ha aso mit allem neu agfange.

Ig bi i nes neus Schuelhuus, e neui Klass u neui Lehrer becho. èber d Ferie isch s Oberstufeschuelhuus (7.-9. Klass) komplett neu renoviert worde. Si si aber nonid ganz fertig worde u mir hei jetz no kei WCs, ke Spinde u de underscht Stock (wo zum Glück nor de Werkraum isch) dörfe mer no gar nid beträtte. Mir hei i üsem Klassezimmer ou no kei Seife, e Tafelschwamm, e Abtrockner u eBesen felt ou no. De erscht Schueltag het aso demit agfange das mir aues hei müesse irume u Putze. De Gang ischimmer no voll mit Kiste wo es paar nützlechi sache (wie ersatzpostitscher) no dinn si. Am Nomi hei mer när d Heft u so becho u hütt heimer so halb chönne Schuel ha😅

Liebi Grüess Leseratte06

Hallo zäme

Ig u mini Schwester si geschter von Dominolager heicho. S Domino isch vo Cevi e Jugendclub. Mir si vom Montag bis am Samstag in Hottwil gsi u es isch mega luschtig gsi😁 ir erschte Nacht heimer Zält ufgstellt gha us so Blachene u när i dene gschlofe. Mir hei ou es mega schöns Lagerhuus gha wo sogar no e Turnhalle gha het! Dört heimer aube am Obe no spili gmacht u s Nacht spiel isch ou dört gsi. Fürs Nachtspiel si d Leiter (Ab der 9. Klass isch me Leiter) üs am 00.30 cho wecke. Si hei ir Turnhalle Brennball im dunkeln u mit Hinderniss parat gmacht u alles mit knickleuchtstäben kennzeichnet u de heimer bis öpe am 2.00 Brennball gschpiut🙂

S ganze Lager isch super gsi!

Liebi Grüess Leseratte06

Jetz heimer no ei Wuche Schule u de si ändlech Summerferie!!! Wenn heit dir Ferie?

Lg Leseratte06

Mir hei hüt de Schueusporttag gha. Es het am 8.00 agfange u mir hei üs troffe mit em Velo (das het me für ne Disziplin bruucht). Üse Klasselehrer het üs aber z früeh akündet u bir si e halbstund z früeh gsi😅

Denn hets agfange. Zersch het üsi Klass müesse Bäuelliwiitwurf mache. Dört ha ig gloub 19.68m. gschafft. De heimer e so es Pedalowettfahre gmacht ( i ha verlore). Für die wo ni wüsse was das isch: Es Pedalo isch es Gfährt mit 6Redli wo zwischedine zwöi Pedal klemmt si u uf däne fahrt me när. Denn heimer Sprint gmacht (80m.) u i ha öpe 13 Sekunde gha. Denn Hochsprung dört ha ig 1.10m. gschafft. Mir hei immer ar Sunne müesse warte u es isch soooooo heiss gsi... denn so es Velorenne aber me het müesse müglechscht lang ha. Denn heimer no Wiitsprung gmacht. Dört ha ig 3.80m. gschafft. Es isch soooooo heiss gsi u mir hei soo fescht gschwitzt! Am Nomi si när no Stafette gsi, aber ir Turnhalle.

Liebi Grüess Leseratte06😄

Mir hei es Igeli im Garte😍

Hallo zäme

Üses Schuelus (5-9Klasse) het hüt de Triathlon gha😄

üsi Klass isch am 9.15 gstartet u ig bi die 4. Person us üsere Klass gsi wo am Ziel acho isch! Nöchscht Freitag isch d Rangverlosung u me cha es

T-shirt gwünne bis zum 6. Platz😀

Heit dir ou Triathlon oder so i däm Schueljohr?

Glg Leseratte06🙂

Hallo zäme

Ig bi geschter bi de Chinderreporter gsi u es isch extrem cool gsi!!!

Danke viielmal a aui wo das organisiert u mitgmacht hei😃

Mäldet euch unbedingt ou a es isch super cool🙂😉

Liebi Grüess Leseratte06

Hallo Zäme👋

Was macheter so?

Lg Leseratte 06