Hoii zämme👋

Ech melde mech weder emol ond es tut mer leid das ech mech so lang nömm gmeldet han aber ech ben ned deztue cho zom ehn Blog zschribe😂. Aber jetzt han echs endlech gschafft😂😉. Ech verzell öich höt eifach echli vo mim Läbe ond jo.

Herbschtferie🍄🍁🍂

Ech ben jetzt ide letschte Feriewoche🌝.

I de erscht Woche ben ech met minere Famillie uf Laax🚗. Ded hend mer leider ned so guets Wetter gha aber mer hends beschte drus gmacht. Einisch send mer zom Caumasee gwanderet( onde gsehnd er noh Fotis vo ehm). Schösch ben ech sehr vel be öishem Hallebad goh bade🏊‍♀️ond einisch send mer noh of Chur gange. Am letschte rechtige Tag send mer noh en ehn Trampolinhalle gange, das esch mega cool gsi😂. Mer send mängisch auh bem Laaxerseee goh laufe gange ond fotis goh mache😂📸.

🍂🍁🍄

Ide zwöite Woche han ech sehr vel mit mine Koleggine gmacht ond han auh met ene öbernachtet. Am Wochenende send mer noh goh Scheff fahre🚢( das esch recht langwilig gsi😒). Ech han auh sehr vel emmer gläse( Harry Potter❤️📖, ech liebe die Bücher😍)

🍂🍁🍄

Jetzt ih dere Woche han ech auh met ere Koleggin abgmacht ond ben noh einisch zo mim Götti gange. Ech mach die Woche sehr wahrschinlech nömm vel😂.

Zo deh Schuel✏️📖

Set noch deh Sommerferie ben ech ide erschte Oberstufe, das esch leider scho chli stränger als ide Primar ond mer hend leider vel meh Husi😒. Aber Zit esch trotzdem mega schnell verbih gange, well mer hend recht vel Usflög gmacht wie z.B. Herbschtwanderig🍂, Velotour🚲, Ihschtegstäg ond of Bärn ad Swiss Skills, das esch mega cool gsi ond mer hed mega vel chönne ahluge😍.

Öishi Klasse esch of es paar eigentlech recht guet ond mer hend auh scho allgemein ehn mega guete Zämmehalt ide Stufe🤝. Öishi Klasselehrerin esch leider ned so deh hit well sie esch echli komisch ond speziell, aber mer hend sowieso zom Glöck ned vel Fächer be ere✌️.

Was schösch noh lauft😂

Einisch ide Woche( ossert ide Ferie) goh ech ish Volleyball🏐 ond jedes zwöits Wochenend han ech noh Pfadi⛺️🔥. Schösch mach ech eifach noh met Kolleggine öbis ond gniess mis Läbe😂🤗.

Ech hoffes öich hed deh Blog einigermasse gfalle ond er chömmid ergend wie drus😂(schösch chönd er gärn froge oder allgemein chönd er mer schribe😂💗)

Ganz ehn schöne Obe noh ond ehn liebe Gruss

💗Lelly💗

Hallo metenand❤️💗

Ech hoffe öich gohds allne guet ond er send alli am Ferie gnüsse😅. Ech han denkt ech mach ehn Blog echli dröbed was ech scho so ide Ferie gmacht han ond was ech noh werd mache;-).

Zo dem wo ech scho gmacht han😅:

Am Fritig Obe hend mer noh abschloss foh öishere Klass gha well noch deh Sommerferie trenned sech öishi Wäg😔. Mer send ded zo öberem hei gange ond hend ded Znacht gässe. Am halbi ölfi send mer deh hei glofe. Mer hend öish deh nomol alli verabscheded ond öish versproche das mer ide Ferie nomol öbis mönd mache😂.

Ech be i Tag zo minere beschte Koleggin go öbernachte ehm Zelt. Es esch mega schön gsi ond auh recht loschtig😂. Mer hend am Obe zwöi Felme glugt deh erschti esch "Fünf Freunde"deh dretti Felm gsi (deh esch recht spannend gsi ond auh loschtig😂) . Nochher hemmer "Yes Day" glugt deh esch so loschtig gsi ond ech chan ehn auh mega witerempfehle😂💕. Am Morge send mer deh be ere am 8:00 ufs Trampolin ond deh send mer halt omegomped ond deh hed plötzlech ergend ei Nochber use grüft mer selled lislig sie(aber mer send eigentlech nef so luut gsi)😂😂.

Ech be scho öbe 5 mol ide Badi gsi ond einisch ihm Waldschwimmbad Zimmeregg ded heds ehn mega steili Rutschi wos eim am Schloss recht fescht usespickt😂😂💕. Mehrei Sprongbrett ond schösch noh zwöi Rutschine😂😍. Deh send mer noh einisch ah See goh bade. Ih dere Badi am See heds ehm See ose so ehn rotschi ond ush Plastik noh so öbis gha wo wie echli es Trampolin esch gsi😂🏖🌊.

Vor geschter beni auh ide Badi gsi. Ond ded hani Volley🏐ehm Rase gspelt. Deh beni gspronge ond nochher of deh grossi Zeche knickt. Mer send deh zom Arzt💊 wells mega fescht blüetet hed( dud jetzt emmer no es betzeli)😑. Bem Arzt hends deh noh grönget zom secher goh das ned broche esch( es zom Glöck aber ned:). Es hend zwöi Ärzt ahglugt ond bedi hend ned gnau gwösst was es gnau esch, aber ech han ergend wie d Nagelworze ahgresse ond jetzt es eifach verbunde. Leider gohds zom laufe ned so guet😔🥺. Aber zom Glöck gohd alles weder😅💗.

Am Samschtig wördi eigentlech ish Bula goh aber mer mönd noh luge öbs gohd, ech wörds recht schad fende wenn ech ned könnt goh, wells nor all 14 johr esch.

Das wärs gsi met mim Blog han eigentlech ned so lang welle aber esch jo glich😂.

Ech wönsch öich allne noh ganz schöni Sommerferie ond gnüsseds.💕

GlG

💕LELLY💕

hallo metenand💞

Ech melde mech weder emol noch ere chli längere Zit😅.

Am Mäntig ben ech met minere Klass ond deh Paralellklass ish Klasselager of Wyssache(BE) gange. Mer send ehmene 100jörige alte Holzhus gsi. Öisehs Lagerhus hed ehn langi Rutschbahn vom oberschte Stockwerk bes zonderscht onde gha😍🤗, ehn Ping Pong🏓 Tesch wo mer emmer Rundlauf gmacht hend, Fussballplatz⚽️, Volleyplatz/Basketball🏐🏀, ehn grosse Rum wo mer ehn Felm ond Party gmacht hend😍😇, ehn Bach wo deh Fussball emmer ine gheid esch😂, Füürstell🔥 ond ehn Tribüne wo mer hed chönne ahfüre.

Mäntig:

Am 8:30 öish ehm Schuelhus troffe, nochher öishes Gepäck abgäh ond öish voh allne verabscheded. Am 9:15 esch dene öishe Bus los gfahre nochher semmer met ehm Zug🚋of Hutttwil ond nochher noh met ehm Bus of Wyssachen. Alli send sehr gspannt gsi wie öishes Hus ehn echt usgsehd. Dene hemmer öishes Gepäck becho ond deh hemmer öishes Zemmer zom erschte mol gseh ond öish ihgrechtet. D Lehrer ond Praktikante hend öish noh Informatione zom Dorf OL gseid ond deh hemmer eh öishne Ämtli Gruppe ehn OL mache ond Froge öber Wyssache beantworte. Am Obe hemmer deh Znacht gässe😂 ond deh Felm ,,the Italian Job,, glugt.

Dsischtig:

Am 7:30 hends öish met Musig gweckt. Deh heds leider nochli gregnet aber mer hend öish deh ahgleid ond send goh Zmorge ässe. Send emmer mega feini Zmorge gäh ond sehr grossi Uswahl😋. Deh semmer losglofe rechtig Ahorn. Noch öbe 2,5 Stond met Pause semmer deh dobe acho ond leider heds Nebel gha ond es esch recht chalt gsi. Am eis hend deh öish es paar Lüt Kicki verbih brocht(grossi ned die normale) ond deh semmer met dene nochher of Huttwil gfahre. Ehn Huttwil semmer deh id Badi gange(met emene Sprungbrett, Rutschi ond zom schwemme). Mer hend Badi ganz ellei för öish gha😍😇😉. Am 17:15 semmer deh met ehm Bus weder of Huttwil gfahre. Deh hemmer Freizit gha.

Mettwoch:

Hemmer deh ganz Tag rund ums Hus gha ond hend zo öishem Lagermotto(Hollywood im Emmental) es Video dreiht ded hemmer mösse alles henderzi mache ond nochher hemmers met emene Programm kehrt ond nochher es den halt ganz normal gsi. Das esch sehr loschtig gsi😂. Am Obe semmer ehn Obewanderig goh mache ond eh es Restaurant goh Dessert ässe😋.

Donntschdig:

Semmer goh laufe gange ond goh brötle🔥. Am Nomi semmer deh zomene Restaurant gange ond ded hemmer verschedeni Speli chönne mache. Am 18:30 semmer deh öbe dehei gsi send noh goh dusche ond nochher goh Znacht ässe. Am Obe es dene endlech so wit gsi ond öishi Party hed stattgfonde. Mer hend rechtig Party gmacht ond am Schloss hend alli so fescht gschwetzt(wells so warm gsi esch ehm Rum). Am 24:00 semmer ehm Bett gsi.

Fritig:

Hend öish d Leiter am 8:05 gweckt ond mer hend deh grad mösse packe ond öishes Gepäck eh Ahhänger goh brenge. Deh hemmer leider lang mösse warte bes deh vom Hus cho esch aber nochher semmer deh met ehm Bus weder of Huttwil gfahre ond nochher of Luzern. Es esch sehr schad gsi das das tolle Lager vebih gsi esch ond das mer jetzt nor noh ei Woche eh öisherer jetztige Klass Schuel hend ond nie meh so😰😭.

Ech hoffe öich hed deh Blog gfalle ond ech wönsche öich allne noh es ganz schöns Wochenend😇😊.

Liebi Grüess

öichi

🐶🐱🐭🐹🐰🦊🐻🐨🐼🐯Lelly🦁🐮🐷🐸🐵🐥🐤🐦🐧🐔🐺🐗🐴🦄

hallihallo metenand😘

Ech han foh es paar Täg ehn blog gmacht ond ded hend er döffe id Kommis froge döffe schribe höt beantworti sih🙃😉🤗.

1. Deh @Weasly101 hed gfrögt werom ech so vel random emoji be mim name han?

Eifachi antwort: ech han sehr gärn Tier ond fend loschtig😅

2.d Hermine14 hed gfrögt: Lieblingsässe, Lieblingsfach ond Lieblingsfelm

1.Mis Lieblingsässe esch Pizza🍕, aber han auh vel anderes gärn😋.

2.Mis Lieblingsfach esch Sport ond NMG well mer em Sport ned so vel öberlege moss😂 ond NMG fendi eifach hemmer meistens tolli Themene.

3.Min Lieblingsfelm: hemm schwerig aber Jumanji fendi toll ond Baywatch esch sehr loschtig ond Actions rich😉😍.

3.Auh foh deh Hermine14: wie ech of d idee cho be mech azmelde?: Ech han eifach foh es paar Lüt ghört das sih of Zambo Treff send ond es hed recht spannend tönt ond mege dem hani mech agmeldet😀, hans ned berüt😂.

4.Weder foh deh Hermine14: Mini Lieblingsbeschäftigung/Hobby?: Mini Hobbys send jo Volleyball ond Pfadi ond das send auh mini Lieblingshobby😂😍🏐(chönd schösch gärn id Kommentär schribe wenn er wend das ech mol zo Volleyball oder Pfadi ehn Blog schrebe ond mer erkläre:) Mini Lieblingsbeschäftigung esch eifach öbis met Koleggine mache, ide Natur öbis mache oder Volleyball spele ond veles meh😂.

5.d Neela08 hed gfrögt was ech ombedengt noh ih mim Läbe wot erläbe: Esch auh noh ehn schwerigi Frog aber ganz secher s Bundeslager(esch jo scho glih), as Meer(ben noh nie gsi) ond emol ine Nationalpark id Usa oder schösch ergend öbis tolles erläbe😍🤗😅.

6.Auh foh d Neela08 welles esch mis gröschte Vorbeld: weiss eigentlech gar ned gnau aber veli Sportler fendi sehr bidruckend ond mis Mami, well sih so vel för mech macht ond emmer för mech doh esch😍.

7.Auh weder foh deh Neela08 ond zwar welles mis Lieblingselement esch(Für🔥,Wasser🌊, Luft💨, Erde🌍: Ech han zwöi Lieblingselement ond zwar Für🔥 ond Wasser🌊. Für🔥verbendi auh met deh Pfadi well mer ded vell emmer es für möched😅.

Danke vel mol för dih wo metgmacht hend ond wönsch öich noh ehn schöne Obe😘

GLG💗

🐶🐱🐭🐹🐰🦊🐻🐼🙉Lelly🐷🐮🦁🐯🐨🐞🐙🐬🐠🐟🦌🐪🦍😍😉🙃😇🙄

Hallihallo metenand😘

Ech melde mech weder emol han in letschter zit leider Zambo es betzeli vergässe aber jetzt beni doh🙈. Letschtens hed schomol öber so ehn blog gmacht ond ech fend das recht spannend ond derom hani denkt ech mache hen blog wo er id Kommis chönd froge schribe ond ech nochher emmene witere Blog du beantworte(die wo ih cha ond wot🙈🐵😅:) Also los schribed alli froge wo öich ih senn chömmed id Kommentär. Fröi mih ond beh gspannt😘

GLG😘schöne Tag noh

😘🐶🐱🐭🐹🐰🦊🐻Lelly🐯🐨🐼🦁🦉🐣🐦🐧🐗🐴🦄🐝🐛🦋🐌🐞🐜🐠🐟🦈

Hallihallo metenand🥰

Ech melde mech auh weder emol ond zwar hed deh Blog met öisem NMG🌲 Thema ztue.

Mer hend ehn NMG grads Thema Liebe, Freundschaft und Sexualität(ufklärig). Velli meined jo das seigs so es Thema wo ned mega gärn ah gluged werd, aber ech han jo das Thema grad ond fends garn ned schelmm sondern sogar sehr spannend. Es esch halt so es thema wos halt velne Lüt unangenehm esch dröberds rede ond das esch jo auh okay, aber trotzdem es es sehr wichtiges Thema😁. Ech sälber han mech zerscht auh ned so gfröid aber jetzt fendis es sehr es tolls Thema😍. Höt send be öish zwöi Sexual pädagoge verbih cho ond mer hend eh dene ganz veli Fröge chönne stelle ond sih hend öish auh sache zeiged.

Also hend gar kei angscht vor deh Ufklärig ond er wärded gse das das gar ned schlemm wie er das denked.😅

Ech wönsche öich allne eh ganz eh schöne Obe ond ehn tolli Woche😘

GLG

🥰🐶🐷🐱🦊🐺🐵🦁Lelly🐭🐻‍❄️🐰🐼🐨🐻🐸

hallihallo❤️

Ech hoffe öich gohds allne guet🥰ond er send das schöne Wetter am gnisse

Höt ben ech met deh Pfadi id Melchsee Frutt goh Ski fahre.

Am 6:00 am Morge beni ufgstande. Am 7:15 esch deh de Bus abgfahre. D Luzern hemmer mösse omstige of de Zug ond dene ofs Poschtauto. Am Afang hemmer öish echli ufgwärmt, nochher semmer deh of d Ski. Zmettag hemmer de alli weder metenand gässe(anderi send noh goh schlettle). Nochher semmer deh bes am 14:30 gfahre ond weder hei.

Esch mega schöns Wetter gsi, tolle Tag ond natürli s Skifahre.

Ech hoffe er hend alli ehn schöne Tag gha😘

GLG😘

😇😄😁🐶🐱🐭🐹🐰🦊🐻Lelly🐼🐨🐯🦁🐮🐷🐸🐵🐔🐺🐗🐴🦄🦋🦈🐠

hallihallo metenand😘🥰

Geschter han ech Geburtstag gha ond mege dem hani denkt ech verzälle/schribe öich echli devo wasi so z.b. öber cho han.

5.3.22

Am Morge beni ufgstande ond deh esch deh Tesch mega schön dekt gsi🤗 ond drü Gschenkli send auh dede gsi😃. Zerscht hani seinte Päckli uf doh ded esch es Johresabo vore grosse Bibliothek dene gsi, well ech mega gärn du läse. Dene hani met mim Mami ond minere Schwöster Zmorge gnoh ond wo mer fertig gsi send hani deh s zwöite Päckli uf doh ded ehne esch es Bus billett gsi ond Briefmarkene. Em letschte Gschenkli (das esch vo minere Schwöster gsi(: esch so ehn Block dene gsi wo ech Notize drih schribe chan😀.

Noch em Zmorge semmer deh grad ih dih gross Bibliothek gange ond ech han zwöi Läsebücher, eis Bachbuch ond zwöi CD usglehnt. Dih Biblitohek esch so schön gsi.

Wo mer deh weder deh hei send gsi hani grad als erscht eh mim Buch afo läse s Buch esch Pferdeflüsterer Academy band 8.

Zom Zmettag heds Hörndli ond Ghackets gäh😋sehr fein gsi.

Am Nomi beni deh met minere Schwöster goh Basketball🏀ond Volleyball spele🏐. Nochher semmer met deh Velos zoh emene Ritstall gfahre🚴‍♀️ond ded semmer dhe goh rite🏇. S Rite esch mega schön ond cool gsi.

Am Obe beni nochher met mim Papi go Pizza ässe😀😋.

6.3.22

Höt send mis Gotti ond Götti of Bsuch cho ond mer hend auh nomol Geburi gfieret. Ech han vo mim Götti ehn mega tolli Teschbombe öber cho wos halt dih normale sache dene hed, aber es hed noh Lösli dene gha leider hani aber nor be eim ehn Franke gwonne, aber wenigschtens öbis😆😁. Eh dere Teschbombe heds osserdem noh Geld dene gha ond sih esch mega schön verziert gsi met Fotos wo ih ganz chli gsih be bis ganz gross. Vo mim Gotti han ech Geld för es Handy öber cho.

Dih zwöi Täg send mega schön gsi, ond ech han so fröid gha das so velli ah mech denkt hend, ech be mega dankbar😘🤗

Ech grüisse noh

💙Dyani 💙(: Danke, vell mol för dih schöni Nochrecht, besch so ehn tolli Person(:❤️

💜se10 💜(: Danke, auh vell mol för dih schöni Nochrecht ond schön das mer öish so guet verstönd(:💗

💚Frgeman 💚(: Danke, auh nomol för dih schöni Nochrecht, han mih risig gfröit(:💗

Ech han mech risig dröbed gfröid ond schön das er ah mech denkt hend💛💜

GLG😘❤️

🐶🐱🐭🐹🐰🦊🐻🐼🐨🐯LELLY🦁🐮🐷🐸🐵🦉🦅🦆🐗🐺🐴🦄🦋🐛🐝

halllihallo metenand🤓😉

Ech hoffe öich gohds alllne guet😘ond send d Fasnacht am gnisse🤡🤠

Ech be am Donnschdig of luzern weder emol s erschte mol noch zwöi Johre ad Fasnacht gange met minere Schwöster, mim Mami ond met deh Easy ere Famillie esch mega toll. Am Obe semmer deh noh zoh ere gange ond hend echli Party gmacht🎉, esch so öbis vo toll gsi (mömmer weder mol mache :).

Am Wochenende beni deh met mim Papi ah zwöi verschedeni Orte gange eifach goh Guggemusig lose.

Höt beni deh met minere Schwöster ond eini vo ere Kollegine eh leige of Luzern gange. Am 11:15 semmer deh of deh Bus gange ond z Luzern am Bahnhof esch öisi grossi Cousine öish goh abhole. Spöter esch deh noh min Cousin cho ond met ehne hemmer deh deh Omzug gluged. Endlech han ech weder emol, nomol eh anderi cousine, mini ander Cousine gseh. Mer send deh nochem Omzug weder hei gange, well mini Schwöster noh hed döffe zo ere Kollegin goh öbernachte.

🤠Send er auh ad Fasnacht gange?

🤡Wenn jo as was hend er öich verkeided?

Ech ben als Isbär gange🌝

Ech wönsch öich allne ganz schöne Obe😘😘🤗🤗

GLG🤗😘😎

🙉🦝🐺🐱🦁🐯🦒🦊🐹🐰🐗Lelly🦄🦓🐸🐼🐒🦍🐕‍🦺🦮🐩🐲🐔🐻🐷🐎🐈

hallihallo metenand❤️

Endlech dönts weder noch Guggemusige, mer gsehd schöni Wäge ond ganz vell Konfetti☺️-

Endlech esch weder Fasnacht yuhu🎉

Höt am Morge beni scho am vieri vo öisere Guggemusig gweckt worde, well dih hend ehn luter Knaller abgloh ond nochher hends noh gspelt-

Dene hani am 4:45 deh Fähnseher ahgloh zom d Tagwach vo Luzern luge, dih vom Fähnseh händ gseid das 18'000 Lüt hed gha, dass send 5'000 Lüt meh als vor zwöi Johre.

Ech goh höt am Nomi ah Fritschiumzug, wos ganz velli schöni Wäge ond guggemusige gseh send.

Ech wönsche öich ganz schöni Fasnacht ond gnisseds🤗

GLG❤️

🐶🐱🐭🐹🐰🦊🐻🐼🐨🦁Lelly🐯🐸🐷🐮🐸🐵🦄🐴🐺🐗🐠🐃🦃🐈🐩🐕