Obwohl s`mir bi de Zambo-Treff-Fründä drum gaht möglichscht vill Fründä ha, sondern möglichscht gueti wers cool wenn ich no 3 FA`s würdi übercho, well ich dänn 100 han. 😄 Also wärs cool wenn du mir eini schicke würsch. LG, gregsTagebuch

Hüt im Radio hät plötzlich öppert andersch d`Verchersinfos gseit, darum hät min Vater d`idee💡 gha dass d`Sändig nöd Live isch gsi. Mini Frag as Zambo-Team oder a alli anderä wo das wüssend: Isch am Sunntig d`Sändig amigs nöd Love? Es git denn ja au kei Besserwüsser! Ich hoffe dass ihr Antwort gänd well mich das würkli Wunder nimmt. Und no e Frag: De Gabriel Crucitti seit doch amigs am Schluss Moins. Was heisst das🤔? Guet Nacht a diä ganzi Zambo Wält und a alli Moderator/inne. LG, GregsTagebuch

... Isch mega-super👍! Ich han hüt mit es bizzeli Hilf vo minere Muetter Baguette mit Schoggibrotuufstrich gamcht, wiä s` bi jetzt koche ich zeigt isch wordä. Ich duä mega gern bache und choche, und meistens, oder eigentlich immer isch es dänn au fein😄. Uf em Bild unte gseht mer mich mit eim vo de Baguettes ide Händ. Ich han mis Gsiicht verdeckt aber das wo dete staat wo miis Gsicht wäri, passt sehr guet, well es isch megaaaa fein gsii!🥖 Dankä das ihr das Rezäpt zu jetzt koche ich gnoh händ! Liäbi Grüess, GregsTagebuch

ich han es paar Frage as Zambo-Team😃: Mich würs wundernäh was diä alte Zambo-Moderator/inne (z.B. Rosanna Grüter, Patrick Stöpper u.s.w.) jetzt mached. Dänn würd ich, well ich settigi Sache immer spannend finde gern wüssä: Chamer diä alte Blogs vo de alte Moderatore no läse, und wänn ja wo? Und zum schluss no: Wiä gsend diä jetzte uus? Ich hoffe ihr vom Zambo-Team schriibends id Kommentär. Lg, GregsTagebuch. PS: Ich freue mich scho jetzte uf eui Antwortä.🙂

Wer vo eu hät scho mal bi de Schatzjagd mitgmacht? Schriibeds doch id Kommentär! Ich ha scho aglütet aber nöd cho🙁. Derfür bin ich letscht Wuche bim Besserwüsser cho, drum mach ich jetzt mit aalüte au es bizzeli Pause. Ich finde d`Schatzjagd aber mega cool! Liäbi Grüess, GregsTagebuch❤️

Hallo zäme! Wänn ihr Frage a mich söttend ha, schriibeds doch id Kommentär! Ich probier si denn alli imene blog beantworte es sei dennn sie sind zu persöhnlich. Ich freu mich scho uf eui Frage! LG, GregsTagebuch

Ich glaubs, jede hät irgend en Tag am liäbste, und dämit mäin ich nöd Geburtstag😃, sondern en Wuchetag. Bi mir ises de Sunntig, well ich dänn nöd id Schuel mues, ich immer so es tolls Gfühl im Buuch han und well mir mängisch am Sunntig cooli Uusflüg unternähmed. Welles isch eue Liäblingstag und warum? Schriibeds doch bitte id Kommentär!😍 Lg, GregsTagebuch

Hey Zambo-🌍! Es wäri cool wänn ihr bi de Zimmer-Challenge eimal anders vo Panda34 und KiwiKrimi mit! Es lohnt sich sicher. D`Aleitig finded ihr imene Blog vo Panda34. LG, GregsTagebuch

Ich han ab nöchscht Wuche wieder normal Schuel. Händ ihr denn au wieder normal Schuel? Freued ihr eu, oder händ ihr kei Lust? Bi mir ischs es bizzeli beides...😁 Ich freue mich, wenn ihr euri Meinig i Kommentär schriibed. Und ich ha no e frag ad Anna Zöllig: Wenn chunnt es neus Video vo Anna erfüllt Wünsch? Ich finde diä mega cool! LG, GregsTagebuch

Upsi, mir isch ufgfalle dass ich leider bim Blog wo "Zambo Radio" gheisse hät, en Fehler unterlaufe isch...🙁 Ich ha welle schriibe "Öb ihr jede Tag losed?" Und ha gschribe " Öb ihr jede Tag mitmached?" Tuet mer leid. Ich grüesse: Anna Zöllig Leichtathletikfan07 Noelle7 Panda34 Zitrone06 Meissa ananas Javascript KiwiKrimi Gabriel Crucitti Candyfloss44