En schöne Abig 😊

Ehmm also ich wür gern wüsse wie lang die alte Radiosendige oder Podcasts uf SRF uffindbar sind?

Für immer? Will ich fühl mich irgendwie gar nüm wohl, wenn ich ad Podcasts oder Radiosendige wo ich Vor cho bin, denk... 😔 Find's irgendwie mega unangenehm inzwüsche und fänds irgendwie schwierig wenn mer das jetzt chönt für immer im Internet uffinde und lose (ja ich weiß, ich bin da selber schuld, aber ich chum nöd ganz klar mit mir selber und vorallem Au nöd mit mim "Vergangenheits-ich")

Daher würs mi interessiere ob das eh irgendwenn idr nächste Zitt weg Sii wird oder isch das nöd plant? Und chönted ihr I dem Fall villicht e paar Sache lösche? 🤗

Wür mich über Antworte und Verständnis freue!!

⭐🎧GregsTagebuch🎧⭐

Hoii Alli zeme,

Ich lose Grad zum erste Mal sit längerem SRF Kids im Radio 📻. Also abgseh devo das es schön isch wieder mal izschalte und die altbekannti Stimm ghöre Isch mer e Frag in Sinn Cho, wo ich jetzt natürlich unbedingt beantwortet ha muess🙃

Und zwar: Wie mached ihr das eigentlich mit de Musig? Also spilled ihr die so vo Spotify ab oder gitts da e extra App wo extra für Radio gmacht isch? Und wer leiht fest was für Musig lauft (also abgseh vo Musigwünsch und co)? Wird da denn e Playlist oder so erstellt? Und dörfed Moderator:inne mengisch Au Lieder uswähle?

Wür Mi irgendwie echt interessiere! 🤗

En schöne Abig und liebi Grüess, GregsTagebuch🪩🎧⭐

Heyy Zambowelt<3

Ich hann denkt, ich schrib wieder mal en Blog, irgendwie han ich grad mega Lust druff 🫶🏻😸

Zerst mal e Frag vorab: Freued ihr euch uf de Herbst? 🍁

Eeeeigentlich wär ja au scho Herbst, aber irgendwie... Klimawandel,denk ich.

Uf jede Fall freu ich mich druff, wenn de Herbst denn richtig los gaht, und vorallem uf de Winter freu ich mich🌲Ich liebs eifach wenns chli chälter, villicht au chli düsterer isch und mer sich so richtig iikuschle chan und en schöne Film luege, öppis backe oder au eifach chli entspanne chann (naja oder für d Schuel lerne. Ich will is Gymi.😶)

Ich hann natürlich au bereits e Herbst Playlist erstellt😃

Und da wäred mer schomal bim nächste Thema:

Was losed ihr so für Musig?💿

Ich bin eifach mega obsessed mit Musik🤭🎶 Daher würs mich umso mehr interessiere, was ihr so losed im Moment, villicht händ mer ja was gmeinsam!❤️

Mini allerliebsti Lieblingssängerin ever isch natürlich d Taylor Swift🪩🫶🏻 Ich chann gar nöd in Wörter uusdrucke, wie gern ich sie und vorallem ihri Musig hann 🤍 Ich liebs eifach, wie komplex und tüfsinnig vill vo ihrne, vorallem neuere, Songs sind. Sogar Lüüt wo Muettersprach Englisch händ verstönd teilwis nöd alles!💙 Au wie sie sich wiiterentwicklet hett im Lauf vo de Zitt fasziniert mich. Und ihre Einfluss und ihri Musikalischi Talent und und und💌

Ansonste lieb ich au no d Lana del Rey, Phoebe Bridgers (und d Supergroup Boygenius wo si drinn isch), Fiona Apple, und no vill mehr. Und au alti Bands wie Pink Floyd, ABBA, Beatles, Nirvana und no mehr<3

Wie ihr gsend hann ich chli en spezielle Musig- Gschmack (aber ganz ehrlich: Ich liebs!!🙃)

Schribet gern au suscht no alles id Kommentär, au wenns nüt mit em Thema z tue hett, ich bin mega gspannt!🤍

Liebi Grüess und en schöne Abed, GregsTagebuch🪩🪩

PS: Raste grad us well Taylor Swift im Radio chunnt. So als wär sie kei weltbekannti Sängerin lol😍

Heyy Zambowelt 🌟

Lost öppert vo euch eigentlich no "analogi" Musig, also nöd über Streaming?🙃

Ich hann denkt, ich mach mal en Blog darüber lol 📻

Well ich muess sege, streaming isch scho unglaublich praktisch und ich nutze es au mega oft, aber irgendwie find is schad dass darum fast niemert mehr z.B. CDs oder Platte (au Vinyl/LP gnännt) loset...

Wie gseit, au ich streame gern Musig und find das e super praktischi Erfindig, aber irgendwie isches eifach soo es tolls Gfühl e Platte in Platte Spiller z'lege und zu z'lose wie wunderschöni Musig eifach so, ohni grossi digitali Technik, ertönt📀😅

Oder au Kasette zum Biispiel: Die sind halt wük scho praktisch uusgstorbe, was sehr schad isch well ich selber hann no paar Kasette& natürli au en Kasetterekorder dihei und au wenn d Soundquali nöd die best isch, isch es doch irgendwie en tolle Vibe, und s coole isch halt vorallem au wie eifach mer selber öppis uf e Kasette chann ufneh und so z.B. es Mixtape (also quasi e Playlist halt eifach uf die alti art) zemestelle chann❤️

Ich fendis schad, wenn die tolle Erfindige würet uussterbe...😿

Ich wird uf jede Fall, egal was passiert, wiiterhin immer mehr CDs, Platte, etc. chaufe, um s Buisness wiiterhin am laufende z bhalte und defür z sorge dass es nid uusstirbt🫂💿

Wür mi freue wenn ihr das au mache würed💜 Falls ihr gar kein CD Player mehr dihei hent, fröged doch mol euri Eltere, die würed sich sicher freue, da sie selber no mit all dene "alte" Sache uufgwachse sind😉

Falls ihr no en Tipp bruched wo ihr chönd CDs/Platte bestelle (am coolste isch es natürlich wenn mehr selber ime Geschäft stöberet), wür ich euch cede.ch empfehle🌟

Sie hend e mega uuswahl an Lps und CDs zu, miner Meinig nach, guete Priise, und sie liiferet halt amigs au u schnell, also teilwis echt scho am Tag nachdem mehr bestellt hett 🎶

Liebe Grüssi und en schöne Abig/Tag/Morge/Wuche whatever, GregsTagebuch 🪩🎧⭐️

PS: Do no es Bild vo minere Vinyl-Halskette 😅:

Heyy <3

Wie gahts euch so?

Freued ihr euch uf de Herbst?🍂

Ich hann beschlosse, passend zu de chältere Täg wo hoffentlich bald wieder Cho werded, Mal Chli über s Thema Film zschriibe. ⭐

Well kei Zitt im Jahr eignet sich besser für en kuschelige Filmabend wie de Herbst&Winter😉

Zerst mal e paar Frage:

-Lueged ihr gern Film?

-Was für Film so? (Drama, Komödie, Romanze, since fiction...)

-Top 3 Lieblingsfilm?

-Was für Film wend ihr unbedingt mal luege?

Ich persönlich muess sege, ich han Film in letzter Zeit Film Chli für mich entdeckt🤭

Trotzdem würd I sege, dass ich jetzt nöd soo vill Film luege. Klar, sicher einmal pro Wuche I de Regel, aber soooo vill jetzt au wieder nöd😅

Ich persönlich Hann sehr gern Film wo so "en spezielle vibe" hend🪩

So zum Biispiel "Amelie" oder so (Lueged. De. Film. Unbedingt. Sofort.!!!!) 🌻

Au älteri Klassiker find ich guet und ich muess sege, ich interessier mich sehr für s alte Hollywood🌀🎥

Allgemein chasch mer eigetli alles verchaufe, wenns Coming-of-age isch🙃(Coming-of-age Film sind, eifach gseit, Film übers Erwachsewerde ;))

Falls sich öppert für die Film, wo ich so lueg interessiert, chönd ihr suscht im Privatchat schribe, Denne chann ich euch Mis Letterboxd geh (Letterboxd isch e extrem cooli Website wo du chasch so e Art Filmtagebuch führe, und au luege was anderi so Lueged🩵)

Döt chann mer au watchlist mache, wo du Film chasch ufführe wo du unbedingt mal luege Willsch🌀Die isch bi mir würklich seeehr lang, ich will jetzt gar nöd all uufführe, aber ganz wiit vorne sich bi mir ganz sicher "Ladybird" vo de Greta Herwig (btw de Barbie-Ressigeurin!!)🐞Ich hann ghört, de sött wük unheimlich guet sii<3 Muess aber zerst mal no de dvd chaufe, will die Bibliothek wo ich amigs gah hett de nöd und uf Netflix isch er au nöd🥲

"Pulp fiction" muess ich au uuunbedingt luege, so en Klassiker und der Soundtrack Hann ich au scho uf Platte!🖤

Wür mich freue, wenn öppert Mini Frage beantworte wür!🩷

🎧⭐🪩GregsTagebuch🪩⭐🎧

Heyy Zambowelt💛

Ich Hann denkt, im hüttige Blog schriib ich Mal chli über es relativ wichtigs Thema, wo mehr Lüüt betrifft als mer denkt😌 Und zwar, es stoht jo scho im Titel, gohts um s Thema Therapie🫱🏻‍🫲🏼🙈

Um genauer zu sii um Psychotherapie, aber ich denke das isch de meiste scho klar gsi, denn wenn mer Therapie seit meint mer jo meistens das.

Also und zwar bin ich selber, wie au einigi anderi Lüüt us mim und sicher au eurem Umfeld in Therapie🙃🩶 Ich persönlich weiss jetzt Grad nöd mal mehr wieso ich überhaupt ursprünglich in Therapie bin😅Mini Eltere hend vor ca. eme Jahr gfunde, ich sött mal Therapie versueche🙈Denn sind mer irgendwenn uf Zwangsstörige Cho (Hann ebe welchi) und jetzt isch das eigetli besser, ich denke aktuell müend mer Chli luege Wege Mine Problem wo ich mit mir selber Hann (hasse mich selber und so).

Ja also uf jede Fall Hann ich beschlosse, en Blog drüber zschriibe Wells halt mehr Lüüt betrifft, als mer denkt, und ich eu Hann welle sege: Ihr sind nöd ellei, wenn ihr psychischi Problem hend!❤️‍🩹 Ihr sind nöd die einzige Betroffnige, ich meinti in Dütschland B

Hett rund jede vierte erwachsene e psychischi Erkrankig (Was VERDAMMT vill isch, wenn mer bedenkt wie wenig ernst das Thema gno wird und wie tabuisiert es allgemein immer no isch)😌

Und nei, ihr sind au nöd schwach wenn ihr e Therapie aafanged, im Gegeteil, es isch würklich stark, sich Hilf z hole!🩷

Ich persönlich muess sege, ich weiss jetzt insgesamt zwar no nid, ob Therapie mir persönlich überhaupt öppis bringt, well ich leider Mine Problem ehnder uuswich statt bespreche, aber naja, es chann sich ja no ändere, ich lueg mal😆 Grundsätzlich wür ich euch e Therapie sowas vo empfehle, es chann wirklich helfe, denk ich😌

Ihr müend Au kein Angst, ha, e:n Therapeut:in stoht under Schweigepflicht, heisst dass wenn ihr nid Grad in akuter Gefahr sind (Selbstmordgefährdet zum Beispiel) sind, dörf er oder sie nüt wiiterverzelle wo ihr gseit hend, au nid eurne Eltere oder so (usser natürlich ihr hends erlaubt)🩵

Und falls es doch nid klappt, chönd ihr jo jederziit ufhöre oder eifach wechsle🙂

Also jo, ich denke das wär jetzt de Blog gsi, er isch Chli wirr, Tuet mer leid🙈<3

Schribet doch gern ou Euri Erfahrige zu dem Thema id Kommis, falls ihr das nid wennd, chönd ihr mir au jederziit im Privatchat schribe🤍🤍

Gregstagebuch🪩⭐🎧

PS: Do no e Songempfehlig, wo mir persönlich amigs so richtig hilft zum ushüle, wenns mir schlecht gaht: Forever Winter (Taylor's Version) (from the vault) vo de Taylor Swift🎶Losed doch unbedingt mol ihne, vorallem d Lyrics sind sooo Heartbreaking!!🥹

Hallo Zambowelt <3

Jup, auch ich schreibe wieder mal ein Blog😅 Wie einige (hauptsächlich die, die mir Nachrichten schreiben) vielleicht auch schon gemerkt haben, bin ich in letzter Zeit eigentlich gar nicht sooo selten da;) trotzdem schreibe ich eigentlich nur sehr selten Blogs. Wieso? Gerade wenn man bei meinen Blogs mal etwas runterscrollt, sieht man, dass ich vor so 2.5-3 Jahren sehr viele Blogs geschrieben habe. ✨Wieso dann jetzt nicht mehr?✨ Nun, das hat verschiedene Gründe, die ich in diesem Blog gerne aufführen würde, vorallem da schon einige Leute hier in letzter Zeit das Thema Blogs aufgegriffen haben, da dachte ich, mache ich das doch auch mal🌟

Also, los gehts! 🫣

🌀In letzter Zeit gibt es, leider, nur noch wenige Blogs. An manchen Tagen mehr, an anderen weniger, logischerweise🙃Trotzdem sind es, so habe ich das Gefühl, definitiv weniger als in den letzten Jahren☆Liegt vielleicht dran, dass es möglicherweise weniger Mitglieder hat, das wüsste ich jetzt gerade nicht, oder vielleicht auch daran, dass viele Mitglieder, die sehr aktiv Blogs geschrieben haben jetzt 15 oder auch einfach so nicht mehr richtig aktiv sind, keine Ahnung, auf jeden Fall habe ich das Gefühl, dass es so ist😶

🌀Und die Blogs, die noch geschrieben werden, sind, wie auch vielen anderen aufgefallen ist, oft sehr kurz... Versteht mich nicht falsch, natürlich erwarte ich nicht, dass alle gleich einen 200-Seitigen Roman als Blog schreiben (mache ich ja auch nicht😉), aber es wirkt halt schon ein wenig so, als würden Leute, die nur 1-2 Wörter/Sätze in ihren Blogs schreiben, sich auch nicht so viel Mühe geben... 🥲 Ob das überhaupt so ist, kann und will ich natürlich nicht beurteilen! Abgesehen davon weiss ich auch nicht ganz was es bringt (diese 2-wort Blogs), aber egal, auf jeden Fall finde ich es recht schade, dass es nicht mehr so lange Blogs gibt (liegt sicher auch daran, dass viele Leute, die jeweils sehr ausführliche, lange Blogs geschrieben haben, jetzt nicht mehr im Treff sind, aber diese Aufgabe könnte doch jemand von uns übernehmen, nicht?)

🌀Ja, das hat durchaus auch einen Einfluss auf mein "Blogverhalten", ich wünschte, ich könnte behaupten, es wäre nicht so, aber es ist so😆Denn unterbewusst bin ich irgendwie halt auch nicht so motiviert, Blogs zu schreiben, wenn die aktuelle Situation im Treff so aussieht, wie oben beschrieben🙃. Das ist natürlich eigentlich recht schade, aber, naja... Vielleicht gibt es ja Lösungs-Vorschläge für diese Probleme? Ab in die Kommis damit! 🤍

So, dies wäre nun mein Blog über Blogs gewesen😅 Eure Meinung, Feedback und allgemein ALLES was euch irgendwie in den Sinn kommt, bitte wie immer in die Kommentare schreiben!😺

Zuletzt noch eine Frage an euch: Mein Treff-Name lautet ja GregsTagebuch, aber mir gefällt dieser schon seit einiger Zeit nicht mehr so... Natürlich werde ich ihn jetzt nicht ändern oder so, dafür müsste ich ja auch irgendwie einen Antrag per Mail schreiben oder so (allgemein lohnt es sich ja kaum mehr, habe ja nicht einmal mehr 1.5 Jahre im Treff), aber ich wollte mal fragen, ob ich vielleicht einfach bei meinen Blogs als Unterschrift einen anderen Namen nehmen sollte? Würde ich eben noch gerne, habe aber echt keine Ideen🙃. Hat jemand von euch eine? Oder soll ich einfach Weiterhin "GregsTagebuch" schreiben? Schreibt auch da mal eure Gedanken in die Kommentare 🤭💛

Alles Liebe& einen schönen Abend, GregsTagebuch 🪩⭐🎧

Heyy alli zeme <3

Ich hann denkt, ich melde mich au wieder mal in Form vome Blog. Ich hann ja ebe au nur no einehalb Jahr da, und da will ich mich etz wieder öfters melde🪩🙈Uff jede Fall hann ich denkt, ich gib eifach mal paar Life updates und am Schluss no chli Songempfehlige.💎

Let's goo!🤗

🅣🅐🅨🅛🅞🅡 🅢🅦🅘🅕🅣 🅚🅞🅝🅩🅔🅡🅣:

Wie alli, wo mis Profil aagluegt hend (also wahrschinnli niemert lol😅) bereits wüssed, bin ich grad en zimmlich grosse Swiftie (en grosse Talyor Swift Fan), also muess ich natürlich unbedingt ad Eras Tour in Züri nächsts Jahr♬ Dank de nette Hilf vo mine Eltere hann ich jetzt au Tickets übercho!! Ich freu mich mega!🥹 Channs wük nöd glaube🧣😭 Ich wird eifach d Taylor Swift chönne gsee!🥰

Falls öppert vo euch au det sie wird, schribed doch, villicht gsed mer sich ja😚 Allgemein falls es da no anderi Swifties gitt: Meldet euch doch unbedingt bi mir, villicht chönd mer mal zeme drüber chatte🤗Bin zwar nöd so oft im Treff, aber irgendwenn chönd mer sicher😌💜

🅕🅔🅡🅘🅔:

Ich hann aktuell sitt einere Wuche Summerferie. Bin bis hütt au i de Ferie gsi (Campiere in Dütschland mit mim Vater, isch ganz ok gsi, ich campiere halt eifach nöd so gern😆) und aktuell bin ich wieder dihei für einigi Zitt und denne gan ich eimal no mit minere Muetter und mine Grosseltere uf Frankriich für e paar Täg🍄🌺

Und suscht hann ich vor mis Zimmer no chli um z'stalte und uufrume und so stuff vo mer irgendwie immer vor sich here schiebt z'erledige🌝

Ja und nach de Ferie chumm ich i die achti Klass...👾 Ganz ehrlich, ich freu mich nöd würklich😌 Es gaht halt jetzt langsam in richtig Schuelabschluss zue, und mer müend jetzt halt au scho aafange mit Bruefswahl, und ich hann doch kei Ahnig was ich mache will... 🫣 Es isch würklich e mega grusligi Vorstellig für mich... Ja villicht gan ich denn halt eifach is Gymi oder so, mal luege. Denn müesst ich aber jetzt au scho mega bald afange mit richtig vill lerne, und das find ich au sehr e unangnehmi Vorstellig😶Halt grad Geometrie oder so bin ich würkli schlecht und ich weiss nöd wie ich das schaffe chönnt😿🙉 Falls irgendöppert no Tipps hett, wür ich mich natürlich sehr freue, wenn ihr die mit mir teile chönnted🤗 Und sorry falls das jetzt grad alles mega wirr tönt hett, ich bin nöd die besti was s uusdrucke vo Problem aabelangt😂🫥

🅢🅞🅝🅖🅣🅘🅟🅟🅢:

Well mir Musik mega vill bedütet, hann ich denkt, ich gib eu mal paar Empfehlige ab, vo Songs, wo ich in letzter Zitt zimmlich devo obsessed bin♡

Ich hann natürlich probiert, möglichst vielfältigi Songs zneh, so dass für all öppis debi isch, aber well ich halt au nöd jedi Musig guet find, isch es villicht nöd sooo abwechsligsrich🫠💥 Anyway wür ich mich mega über Feedback zu de Songs/minere Uswahl freue🤗

Uuund let's go!💗

❀ Boygenius- Cool about it

✿ Taylor Swift- august

❀Olivia Rodrigo- deja vu

✿Pink Floyd- The great Gig in the Sky

❀Fiona Apple- Slow Like Honey

✿Girl in red- Serotonin (TW für de Song: Depressione)

❀Taylor Swift- Delicate

✿Nirvana- Smells like teen spirit

❀Taylor Swift- Bigger than The Whole Sky

✿Conan gray- Heather

---------------------------------------------------------------------------------------------------------

En schöne Abig eu allne no!

🫶🏻🪩Gregi🪩🫶🏻

Puhh... Ich glaube, so vill Zitt wie zwüschet mim letzte und dem Blog vergange isch, isch no nie zwüschet zwei Blög vo mir vergange...😅 Es isch ebe so, dass ich Zambo fast e chli vergesse hann. Usserdem sind mir mini alte Blogs irgendwie mega unangnehm (chann mer die irgendwie lösche?), und natürli will ich da ned no meh Blogs mache wo mir irgendwenn peinlich sii werded 🫠Also aber uf jede Fall hann ich jetzt, wie mer unschwer erkenne chann, mich dezu entschlosse, doch wieder mal was z schribe🌈🙃

Und zwar gohts um folgendes Thema: Kenned ihr das, wenn ihr gern irgendwas mache würded oder au scho gmacht hend, aber die ganzi Zitt drüber nachdenke müend, was wohl die andere drüber denked (also z.B. Fründ*inne, Familie, Lehrpersone...)?🙃 Will bi mir isch das halt meeega oft so, und ich finde, mir sötted vo dem ganze Druck wegcho, und eifach mal das mache was sich für eus richtig aafühlt, ohne sich Gedanke drüber z mache, was anderi denked 🤪 Oder falls eim mal öppis peinlichs passiert isch (bzw. öppis vo dem mer denkt, es isch peinlich, oft findet es nämlich niemert peinlich ussert eim selber), wärs doch schön, wenn mer eifach selber chli drüber lache chönnt, und I mean, allne passiert mal öppis peinlichs, es isch abselut menschlich💥

Ich weiss aber us eigete Erfahrig, dass das alles sooo schwierig isch, und mer sich mega oft vill zu sehr vo de eigete Gedanke laaht beiflusse. Und das isch wirkli schad, well unter Umständ verhinderet mer so mega cooli Ereigniss 🥺🌺

Und darum: Wer vo euch hett Tipps, wie mer lerne chann, mehr uf sich selber z lose und weniger uff irgendwelchi dummi Gedanke wo eim nur ischränke wend? Ab damit i d Kommis!😚

Ich glaube, en guete Start isch scho mal wenn mer sich selber liebt (au gaaanz es schwierigs Thema bi mir😐). Allgemein find ich, mer sötti vill meh druff achte sich selber z liebe🤗Well au wenn Self-love würklich sehr schwierig sii chann, letztendlich müend mir euses ganze Lebe mit eus selber verbringe, und das isch sooo viel eifacher wenn mer sich selber gern hett😊

Schriibed au gern euri Erfahrige mit dem Thema i d Kommis, ich bin gspannt<3

Hey ihr liebe💖🌈I hann grad irgendwie Lust für zum en Blog schribe. 😅💥In letzter Ziit bin ich jo wieder öfters on. 🌟 Und so hann I mir ebe denkt, dass i doch d'Ziit sinvoll nutze chann, und en wichtige Blog schriibe chönnt💛 (also nöd dass Zambo süscht nit sinvoll wär, aber ich meine, Blogs schriibe macht halt irgendwie einfach am meiste Spass. 😅🤍) Also uff jeda Fall find I das Thema da wichtig. 🌈 ♥️🅛🅞🅥🅔 🅨🅞🅤🅡🅢🅔🅛🅕 ♥️Ja, ich finde das Thema extrem wichtig. 😌 I hann ehrlich gseit selber mengisch bitz Müeh demit🖤 Also mit mich selber liebe und so😌. Grundsätzlich find ich's aber unglaubli wichtig, dass mer genau das tuet🧡🌈. Dass mer sich bewusst isch, dass mer, egal welli Huutfarb, Sexualität, Gschlechtsidentität oder Herkunft mer hett, uff diä Welt ghört, wertvoll und einfach einzigartig isch🤍🥺Ich kenn leider sehr vill Lüüt oder Bericht vo Lüüt, wo sehr schlimmi Problem hend mit dem😭. Wie gseit, I will Ehrlich sii, I hann das mengisch au, aber es gitt leider vill z'vill Lüüt, wo z. B. uufgrund ihres Uusgseh oder ihrer Sexualität unsicher sind, denked dass sie nit guet gnueg sind, oder dass niemert sie gern hett🙁. Und I finds wichtig, dass sich öppis änderet!✊🏻✊🏼✊🏽✊🏾✊🏿En erste Schritt isch sicher mal, dass mer drüber redet (okay, ich muss zuegäh das isch schwierig, und ich machs au oft nit, aber ich glaub an dich, und wenn du wirklich nit willsch, denn muesch au nöd) 💖 Du chasch natürlich au öppertem z.B. Uff Zambo schriibe, ich bin au immer do, es chönnti halt eif. e bizzli länger goh, bis ich antworte, aber ich bin immer für euii da! 🌈💞Aber au als ussestehende chann mer öppis mache! 💟✊🏽Ich glaub nämmli, in unsere Welt muss sich no recht vill verändere, Damit alli sich selber sii und liebe chönnt♥️✨. Ich meine ja nur, wenn... ... Queere Lüüt nöd immer no so oft diskriminiert/benachteiligt werdet, wäre sie sicher nöd gliich unsicher, wie mit Diskriminierig (in leider zu villne Länder isch Homosexualität sogar Verbote... 😌) 🏳️‍🌈... People of Colour weniger diskriminiert und öfters zum Beispiel au in Werbige vorchoo würded, denn wäret au vill People of Colour sicher weniger unsicher💟✊🏽... Transgender mehr thematisiert und ernster gnoh wür werde, hetted nit so vill Transmensche/Non-Binarys Angst vor de Uuslebig vo ihrer Identität💓... d'Medie und d'Ansichte vo allne Mensche allgemein diverser und bunter werde würded, hetted vill, vill Lüüt weniger Problem🥹------------------------------------------------------------------------------------♥️Love yourself♥️ Und denked dra: Ich stah voll hinter euch und bin für euch da! 🤜🏼🤛🏾Es isch wirklich nöd immer einfach I dere Welt, aber es wird besser, glaub mir❣️✨Und denked dra: Es isch völlig egal, als was du dich identifiziersch, welli Herkunft du hesch, welli Körperform, du bisch wertvoll und perfekt, ganz wie du bisch💎🌈 Ich glaub an dich, mir könd all öppis erreiche, wenn mir unsere Fähigkeite richtig nutzed, denn egal wie schwierig es mengisch isch, wie dunkel alles isch, mir hend all üseri bsundere Fähigkeite, mir hend all Talent und sind uf üsi ganz bestimmti Art besonders ♥️🌈Alles Liebi, GregsTagebuch 🏳️‍🌈💎😚PS: Grüess gönd ah:Tikaani Ich tuen immer so gern mit dir chatte🥰💎 Bliib so wie du bisch

Yoomee Vermisse dich❤️katze5 😻✨

Jany007💎 Mir müend unbedingt wieder mol chatte