Hoi zäme am 18. si mer am Obe zwöi Schiff go luege, nämlech d Sapphire Princess und d Regal Princess. Die si beidi 330 Meter läng. Am 19. si mir uf Zingst, das isch uf der Halbinsle Fischland-Darss-Zingst. Dert hani mir wider es "Redaktion Wadenbeisser" Buech gchouft. Die si mega cool!!

Hüt si mir am Morge go Steine sueche und hei auso tatsächlech e Hüehnergott, e Stei mit enem Loch drinne, gfunge. Am Obe si mir uf Warnemünde öppis go ässe und hei nächär der Uslouf vo der Viking Sun und Costa Favolosa gluegt.

E ganz e liebe Gruess

Eue Donaldo

Hoi zäme, am Sunnti,15., si mer a ne Kunschthandwärchermärit und ig ha mir e Holzmöwe gchouft. Am Mänti,16., si mer uf Kühlungsborn und si dert eifach chli umegloufe. Hüt si mir derthäre, wo mir im 2013 und 2014 i de Ferie si gsi. Dert hani mer no es cools Buech gchouft.

E liebe Gruess

Eue Donaldo

Hoi zäme, hüt hani z Warnemünde, das isch e Stadt a der Ostsee, woni jo jetz grad bi, e Chläber und e durchsichtigi Silikonhandyhülle gchouft. De hani de Chläber if d Handyhülle to und wie s usgseht, fingit dir unge.

E liebe Gruess

Eue Donaldo

Hie chöme no föteli vom sunneungergang.

Hoi zäme, hüt bini uf der Costa Favolosa gsi. Das isch es 290 Meter längs Chrüzfahrtschiff. Mir hei ds ganze Schiff chönne aaluege und hei es !!5-Gänge-Menü!! übercho.

E liebe Gruess eue Donaldo

PS: Der Sunneungergang vo geschter chunnt ou no!

Hoi zäme, hüt am Morge si mir uf Graal Müritz a d Seebrügg. Wo mer zur Seebrügg gloufe si, hani e Stromchaschte gseh, wo es Büud druff isch. Z Graal i der Touristikinfo hani no e schöni Charte gchouft. Hüt gömer vilech no e Sunneungergang go luege. De poste ni de no es Föteli dervo.

E ganz e liebe Gruess

Eue Donaldo

Hoi zäme,hüt isch es sehr guet gange zum Fahre. Es si 248 km gsi.

Öppe am 15:00 si mer i üsere Ferienwohnig aacho. D Wohnig isch sehr schön. Unge isch no es Büudli vo dert,wo mir si.

E ganz e liebe Gruess

Eue Donaldo

Hoi zäme, geschter uf der Autofahrt hani mir luschtigi Ortsname ufgschribe, zum Bispüu die:

Eimeldingen

Appenweier

Bühl

Gaggenau

Bretten

Schriesheim

Alsbach-Hähnlein

Mörfelden

Neu-Isenburg

Frankfurt-Niederrad

Frankfurt-Rödelheim

Bad Nauheim

Cölbe-Borken

Reiskirchen

Homberg(Ohm)

Mücke

Parkplatz Krachgarten

Alsfeld

Romrod

Bad Salzschlirf

Fritzlar

Bad Wildungen

Guxhagen

Melsungen

Körle

Industriegebiet Lohfeldener Rüssel

Hann. Münden

Hedemünden

Echte

Seesen

Rhüden

Bad Salzdetfurth

Laatzen

Hohenhammeln

Sehnden

Pattensen

Altwarmbüchen

Fingit dir die ou luschtig?😂

E liebe Gruess

Eue Donaldo

Hoi zäme,hüt si mir am 6i am Morge losgfahre. Es si 759 km gsi. Leider si mir ersch am 16:00 im Zwüschehotel aacho,wüu s so mega vüu Stau und Baustellen het gha!!👎🏻

Morn göh mer de dert häre,wo mir 14 Tag i de Ferie si.

Unge isch no es Büud vo 1 Stau wo mer hei gha.

E liebe Gruess und bis morn

Eue Donaldo

Hoi zäme, heit dir scho Summerferie? Ig ha scho sit geschter Ferie. Ig mache übrigens ab em 10. Juli wider e Reiseblog.

E liebe Gruess

Donaldo