zurück
Der Avatar von GregsTagebuch Sat, 06 Feb 2021 14:57:09 +0100

GregsTagebuch
Kinderreporter

Handy📲🤭

Sat, 06 Feb 2021 14:57:09 +0100

Handy📲🤭

Hoii ihr liebe!🤍

Wie ihr sicher im Titel👆🏼 gseh hend, schriib i de Blog über Handys🙃😅. I seg do eifach mol miini Meinig über Handys.☺️ Aber als erstes no schnell was zum Top-Song: Es isch diini Entscheidig für was du abstimmsch, i zwinge niamert, aber wenn du für impossible abstimme würsch, wür sich d'Schmetterling5 enorm freue❣️;). Aber ebe, i zwinge niemand!🖤 Du kasch wennd willsch au für was anderes abstimme, zum Biispiel für Build a house, do wür sich d'Melodie sehr freue!💖🥺 Aber es esch diini Entscheidig😅. Ebe, d'Schmetterling5 wür sich eifach freua, wenn du für Impossible würsch abstimme!💘 Also wenn du ihre willsch e Freud mache, denn stimm doch derfür ab!🤗 So, etz will i aber nümm z'viuu drumherumrede, und grad mit em eigetliche Blog aafoh!🍒

I finde s'Thema Handy sehr spannend und hann drum i de Zambo-Welt au bizz umegfrägt zum Thema🗨️... Und vill Blogs zom Thema hann i ouu gläse...♥️♥️ Das hett mir mega Spass gmacht, und darum schriib i de Blog jetzt au umso lieber😉🤍🤗. Und zwar eschh do no uusecho, dass viuu Mitglieder scho eis hend und vill hend es IPhone...😁 Bi üs ir Klass (5.) hend nonig so vill es Handy, aber die meiste möchid sich scho bizz Gedanke drüber... Und fast all wend es IPhone😏.

Mir kunnts aber nid so druff ah...😅✊🏼

Und bevor i jetzt aafoh mit minere Meinig z'säge, no e paar Fakte:

📱S'erste Handy hetts 1983 gäh, erfunde vom Martin Cooper. Das hett aber nur könne telefoniere. Falls du gseh willsch, wia's uusgseht, hann i dir do no e Link, i hoffe er funktioniert!🙃

📲 Inzwüsche hend Chind immer früehnder scho es Handy. Scho bi de 8-9 Jährige sind's 33%, bi de 10-11 Jährige 75%😮

📱87% vo de 12-13 Jährige i dr Schwiiz hend en Account bi Insta bzw. Snapchat.😅

📲I dem Video vo "ab wann darf ich" wird empfohle, nit vor 9nii es eiget's Handy z'ha. Angeri Lüüt säged sogar nit vor 18nii😱

So, etz aber zu miine Meinige:

Idealalter:

Es chunnt, minere Meinig nah, nit nur uff s'Alter sondern ouu uff d'Umständ druff ah...😉 Also wenn mer scho chli weiss wie dermit umgoh und mer mit em Zug🚄 id Schuel muen, wenn mer 7nii isch kann mer ouus chu denne eis haa...😅 Aber wenn mer 14nii isch, finde i, isch denne scho es Alter wo mer denn langsam eis sötti haa... Aber ebe, es kunnt für mi uff s'Umständ druff ah☺️.

Handy positiv👍🏾 oder negativ👎🏾?

Für mi eigetli wirkli so 50% zu 50%.😊😇 Well es gitt viuu Vorteil, wie zum Biispiel mit Lüüt uss dr ganze Welt Kontakt haa, game, Videos luege&so, aber es chann ouu süchtig mache oder Kopfweh und mer hett weniger direkte Kontakt😣, was sehr schad und ouu schädlich isch😶. Darum find i es 50% positiv und 50% negativ.😁

Denne überchumm ich es Handy:

Also ebe, i hann no keis❌, und miini Eltere finded ouu dass es uff d'Umständ druff ah kunnt... Also vorerscht isch es Handy nonig in Planig, aber ich denke, so i de Oberstufe überchumm ich wahrschinnli eis über😅😆.

Apple oder Android?

E grossi Frog zom Thema Handy isch: Apple🍏 oder Android? Mir persöhnlich spillts nit so a Rolle, es chann beides sii.🤗 Apple goht meistens nach es paar Johr kaputt (meistens denn wenn neui Grät uusechömed), aber es büüted natürli scho einiges und es isch jo au nit immer so dass es nach es paar Johr kaputt goht, und irgendwenn göi alli Handys kaputt😉. Aso drumm mir spielts nit so e Rolle.😊

Welli Apps bruuchts? Welli eher nit?

Also telefon📞 isch scho sehr praktisch, dass mer ouu uuswärts kann telefoniere😋. Und SMS/Whatsapp/Threema oder so isch au mega praktisch😁. Internet und vorallem Kamera derf au nit fähle...🥰 Aber so was wie games brüchtis etz nit unbedingt, well wenn mer will game gitts ja nintendos oder PS oder so.😉Und es gitt leider no recht vill minere Meinig nach unnötigi Apps, aber i denke irgendeswie hend all en Sinn und e Funktion😇.

------------------------------------------------------------------

Und bevor de Blog jetzt denn grad fertig isch (hett er eu gfalla, wür mi über Feedback freue), hett i no es paar Froge, bitte beantwortet sie doch i de Kommis, wür mi mega freue!🖤

📱Hesch es Handy

👧Wenn jo, sitt wenn?

😊Wenn nei, weisch scho wenn d'eis überchunnsch?

📲wa hesch denn für eis?/ Was willsch für eis?

🤗Bisch zfriede demit?

👍🏾 Was ishc diini allgemeini Meinig zu Handys?

I wünsche eu allne no en ganz scheene Tag!🌈✨

Ganz liebi Grüess, GregsTagebuch😍✌️💙

Melden
1

Kommentare

Der Avatar von Vanilla

Liebi GregsTagebuch 😇

Interessante Blog!

Ich han es Handy, sit öppe 2 Mönet!

Ich bin froh eis z‘haa, da mer sehr eifach Kontakt het mit anderne usw...

doch au ich finde, s Handy hät villi nochteil!

so wie du dass gseit Häsch!

ich finde au zum teil, es brucht ned alles .. (insta, snapchat usw..) Ich z.b han nur WhatsApp und ich chan demit super läbe!😁

Ich finde hüüt hend scho meeeeega villi es Handy, also au ganz jungi.. und das bruchts ächt nöd!😶

aber villicht hets ja au en Grund!

schlussändlich isch es jedem sälber überlah!🙃

liebä Gruess, vanilla🧡💓

Melden
Der Avatar von Rosie82

Liebi GregsTagebuch

Coole Blog!!

Ich han es Handy sit ich 7ni bin. Will mini Eltere trennt sind und ich dorum ha chöne Kontakt ha!

Ich ha aber bis hüt eigentlich 0 Spili druf...

Ich hans alte vo mim Grossvater iPhone 6S

Ich bi scho zfride demit, ich krieg aber bald es neus wills nume mega wenig Speicherplatz het...

Eigentlich han ich nit die beschti Meinig über Handys, will viel Lüt nit demit chönne umgoh wenn sie so früeh eins bechöme... Vorallem au wege so Cyber Mobbing aber ich bi biz wie du 50% /50% ;-)


Liebi Grüess Rosie82


Melden
Der Avatar von Cello2010

Guete Blog GregsTagebuch

Ig han leider no kes Handy i bi ou i der 5. und bi üs hend ali Mäidli eis userd ig, das isch meegaa nervig wüu aui enand chöi schribe...

Ig bechume wahrschienlich mit 12i es Handy vilich ou frücher.

Liebi Grüess Cello2010


Ps: Mini Cousine het scho mit 7ni eis becho!!!

Melden
Der Avatar von Schmetterling5

dankä viel viel mol für de gruess und ds andere mit em topsong (du waisch jo was i mein) GregsTagebuch

Melden
Der Avatar von Vanilla

Übrigens: ich bin au ehner Team: iPhone😅

aber eigentlich spilts ja nit so än grossi rollää!🙂

Melden
Der Avatar von GregsTagebuch

Danke vill mol für euri Kommis:

Vanilla

Schmetterling5

Rosie82

Cello2010!

Vanilla: Tolle Kommentar! I finde es au ned richtig wenn Kinder scho so mit 7nii es Handy hend, das isch scho kli z'früeh😶 Aber es chunnt uff d'Umständ druff ah😉

Rosie82: Okay, da verstoh i ja voll wieso du scho so früeh es Handy gha hesch🙃💜... Macht jo wük no Sinn ;)

Cello2010: Bi eus hend wie gseit nonig so vill eis, aber es werded ouu immer meh was chli nervt🙄

Schmetterling5: Bitte, Bitte💗

Melden
Der Avatar von Tenuwa

Heyy, mega coole blog!

Ich han es handy sit ich 12ii bin. Es isch es iphone und ich bi zfride demit aber es chunt mer ned so druf a was es für eis isch also android wär au gange.

Ich bi scho froh über mis handy wil ich ohni das halt vel weniger chönt kommuniziere. Aber mengisch verbring ich natürlich au meh ziit dra als ich müesst, obwohl ich jetzt ned so vel „unnötigi apps“ druf han😅. Also allgemein findi handys guet aber es chan ja leider au schnell negativ werde und mer wäred teilwiis ohni handys vel besser dra.

liebs grüessli tenuwa💜


Melden
Der Avatar von marita06

asoo

1.ich han es handy

2.siit 2 jahr glaubs

3.ich han es huawei y5 2018, recht schrott

4.nee aso es gaht so, kamera isch scho bruatal schlecht, abr ich chamer (hoffentlich) bald es neus chaufe tehe

5.ich fing s sehr nützlech, wemes nöd übertriibt ;)

Melden
Der Avatar von Starlove

GregsTagebuch 😘mega coole Blog und da mini Meinig zum Handy:




-ich han es Handy sitt ich 12 bin


-ich bin Team IPhone und ich han mis Handy (IPhone6s) vo minere Cousine geerbt.✅✅


-ich find au das mer i de Oberstufe öppet es Handy sötti ha, will mer dänn au wahrschinlich en längere Schuelweg hät😉


-i de Primarstufe bin ich immer die einzig gsi wo no keis Handy gha hät😅aber isch eigentlich au gange


-ich finds chli blöd, wännn mer tusig verschideni Handy gha hät, will mer die dänn meischtens wegrühert und das nöd so guet isch fürt Umwelt😕


-ich persönlich achte uf mini Bildschirmziit und lueg das sie nöd zlang isch, was ich aber au nöd immer schaff😂


-ich han Games uf mim Handy, aber ich spiel sozägä nie druf💪


-ich han als Sozials-Netzwerk nur Snapchat, aber bi eus ide Klass bin ich sozägä die einzig wo kei Tik-Tok hät und ja mengisch wett ich dänn plötzlich au Tik-Tok ha😅😒


-ich find es Handy guet✅, will mer (wie du scho gseit häsch) mit villne vo sine Fründe chatte chan, au wänns sie bischpilswiis im ne andere Land wohned oder susch irgendwo, womer sich nöd grad immer treffe chan


-es gat au alles chli schneller (z.B zum Sache kordiniere und so witer)🤭



Spannend und hoffe dir hät min Kommi gfalle.💪😘😍❤️🥺


Liebi Grüess, dini Starlove



Melden
Der Avatar von Cocolina

Liebi GregsTagebuch

Spannends Thema wo da asprichsch🗣☺️

Ich bantworte dir mal d'Frage:🤗


📱: Ja

👧: Sit 12i (wo ich i d'Oberstufe cho bin)🏫

📲: Ich hans Samsung Galaxy A40

🤗: Ja, ich bin mega zfriede ich hans jetzt ca. 1 1/2 Jahr und s'hät no kein Chratzer😅und au susch chan ich mich nöd beklage🍀

👍: Ich find es chunt ganz uf d'Situation und s'Chind durf aa. Ob das Chind mit emene Handy chan umgah,.....☺️ Aber das isch mini persönlich Meinig😇


Schöne Abig no🌟

Liebi Grüess Cocolina😘

Melden
Der Avatar von GregsTagebuch

Danke für de Kommi, Tenuwa❣️


Melden
Der Avatar von GregsTagebuch

Danke au dir, marita06!🖤

Melden
Der Avatar von GregsTagebuch

Danke aun dir, Starlove!💜 Die meiste sind wie du Team IPhone...🙃

Melden
Der Avatar von GregsTagebuch

Danke au dir für de Kommi, Cocolina!💗

Melden
Der Avatar von katze5

GregsTagebuch Mega en coole Blog!💜🖤

Man immer mega freud sie z läse!💜🖤

Du recherschiersch au immer für dini Blogs und mer schriibt dän immer richtig gern it kommentär!❣️

📱- Nöd richtig nume eis oni SIM charte

📲- ich bechum warschindlich es Samsung uf de Geburi

🤗- Jaja isch ok!

👍- Naja ich finds jetzt bis 12i brucht mer nonig würklich ein aber so i de Sek dänk ich es schadet nöd eis z ha wil dän bisch vielicht dän au mal chli wiiter wäg!💍


Ganz liebi Grüess dini katze5🐱

Melden
Der Avatar von GregsTagebuch

Danke vill mal für de Kommi und s'Kompliment, katze5!♡

Melden

Bitte melde dich an, um mitmachen zu können

Logg dich ein