zurück
Der Avatar von De Michael Mon, 19 Jun 2017 17:55:19 +0200

De Michael

Uuund wiiter gaats!

Mon, 19 Jun 2017 17:55:19 +0200

Uuund wiiter gaats!

Hoi mitenand


Läck, isch das heiss. Ich hoff du hesch dich hüt nach de Schuel noimets chli chöne go abchüele. Ich gumpe also vilich nacher scho no schnell i de Brunne da vor em Zambostudio.😎

Zersch heisst's für mich aber schaffe oder besser gseit: Gschichte verzelle.

Hüt z'Abig chasch mer live id Sendig aalüte und mir drüü Grüsch duregää. Schalt's Radio ii am sibni, machs Telefon parat und wenn d'Anna de Startschuss git zum aalüte, den wählsch 0848 00 99 00!


Aber hey, das isch nonig alles! Schliesslich bin ich die ganze Wuche am Start. Und für morn bruuch ich wieder drüü Sache vo dir:


⛹️E lustigi Sportart

🐨Es Maskottchen oder en Glücksbringer

🏆De Star vo dere Sportart


Schriib's mer doch id Kommentär, was dini Vorschläg sind. Oder wenns der z'heiss isch zum schriibe, chasch mer's au ufde Telefonbeantworter schwätze und zwar unter 0848 00 23 27. Ich froi mi zum mit dine Begriff e spassigi Gschicht z'erfinde.


Liebi Grüess,

De Michael

Melden
3
1

Kommentare

Der Avatar von Lenas13

HipHop🤸‍♀️

E cap

Und s diritte weis i leider nid☹️

Melden
Der Avatar von saas-fee

Hoi Michael muess das morn ou es grüsch si? LG SaasFee

Melden
Der Avatar von saas-fee

Also ig würd Tennis näh denne würdi es Armband als Glücksbringer und de Star Roger Federer🎾🏆⌚️

Melden
Der Avatar von De Michael

@Saas-fe: Also das mit de Grüsch isch hüt! Chasch id Sendig aalüte so öppe am foif ab sibni. Morn bruuchi denn die drüü Sache: Sportart, Maskottchen und Star vo de Sportart. LG deMichael


Melden
Der Avatar von De Michael

@Lenas13: Chasch ja eifach irgendöpper erfinde. En Name wo du findsch tönt nach Hip Hop Star!🕺😀

Melden
Der Avatar von saas-fee

Michael also wär das guet vo mir oder eh anderi idee?

Melden
Der Avatar von stella24

Mini luschtigi Sportart: Sackhüpfe Als Glücksbringer en Gumpiball, Und de Star: Max Boing. Isch en erfundene Star😉.

Melden
Der Avatar von saas-fee

Oder neii eh so

Tennis und denne eh Armbanduhr und de Roger Federer so ischs besser.

Melden
Der Avatar von Ginnyweasley06

Oma Turnen

Der Goldene Gimnastikball

Olga Star

Wie tönt das Michael???😂

Melden
Der Avatar von De Michael

@Ginnyweasley06 Supermegahammerguet. Mal luege, was sZamboteam für mich uswält. Ich laami überasche. So, jetz mueni aber id Radiosendig. Hoppdäbäse! Ich hoff ihr losed all😁

Melden
Der Avatar von Ginny12

Orientierungslauf

En goldige Sessel wo mer geng vor em Wettkampf druf hocket

d Helga Orientierigslos oderJudith Wyder

Melden
Der Avatar von Ginnyweasley06

Ok Du bisch Mega Lustig Michael!!!😂😅

Melden
Der Avatar von saas-fee

Synchronschwimmen

Maskottli wo usgseht wie eh Toucherbrille

Carlos Weber erfunde


Melden
Der Avatar von easi

Kunschtinline ,En Giraff im Balet kostüm , De Kunibal

Melden
Der Avatar von unicorn333

⛹️ Chu chu bogie( isch e erfundeni sportart me muess 5,3km vélo slalom fahre und 2,5km hingertsi springe)


🐨 es regeboge Einhorn🌈


🏆 Roger Ferden (au erfunde)








Melden
Der Avatar von Tinksy

Hoi Michael,

Do mini Begreff:


Sportart:

Wasserballon werfen

Glöcksbrenger: En Teddybär

Sportler der gut im Wasserballonwerfen ist: Ich und meine Schwester 😝


Ech wönsche der vöu Spass i dere Schtond!

Melden
Der Avatar von Fadrina02

Also ich han da scho so e Idee..

Quidditch, Halschetteli und Harry Potter


Aber ich weiss ned, wie das isch mit de Recht und so, da ja de Harry Potter scho e Buech Figur isch..😝


Suscht erfind ich öpperts, d' Tiny Durly

(sprich: Tini Dörli)


Aber im Fall die "Sportart" gits wück, also es git Variatione!! Han i mal neumets gläse!


Gruess und viel Spass bim erfinde!


Melden

Bitte melde dich an, um mitmachen zu können

Einloggen