Alle Blogs

Der Avatar von Penelopegirl Thu, 18 Feb 2016 11:43:21 +0100

Penelopegirl

Frühstück

Thu, 18 Feb 2016 11:43:21 +0100

Frühstück

Hallo zämää ❤️

In letzter Ziit han ich irgendwie kei Lust uf Zmorge. Immer beleits Brot, Müesli oder Frücht isch mer verleided ☹️ Vorallem Getränk! Milch (mit Schoggipulver oder ohni) hani au nümme so gern.Aber ich sött scho Zmorge esse. Es ich ja nid soo gsund ohni Zmorge id Schuel oder so.

Ich bruch neui Sache 😀

Was essed ihr zum Zmorge?

Danke für eui Tipps ❤️

Euii Vanessa/Penelopegirl ❤️
Melden
Der Avatar von pony Thu, 18 Feb 2016 00:59:55 +0100

pony

Vorfreude - Curlyranch-Lager

Thu, 18 Feb 2016 00:59:55 +0100

Vorfreude - Curlyranch-Lager

Hey zäme ^^

Känned ihr das Gfühl, wänn ihr eu scho mega uf öppis freued, wo no meeeega wiit wäg isch und ihr no mega lang münd warte? Bi mir sind das momentan grad zwei Sache uf eimal, aber ich belas momentan bi öppisem, wo ich devo verzelle ^^...

Es isch es Riitlager in Düütschland uf de sogenannte 'CurlyRanch'. Ursprünglich isch das d Schlossranch gsii, aber jetzt isch si nach Düütschland zoge und heisst jetzt ebä Curlyranch, well sie sich jetzt nümm uf Quarter- bzw. Painthorse spezialisiered sondern uf Curlyhorse. Uf de ehemalige Schlossranch bin ich scho i drüü Lager gsii und han deet unter anderem miini grossi Liebi gfunde - es schwarzes Painthorse namens 'Lios Wonder'. Aber leider isch er verchauft worde...

Uf de CurlyRanch werded Riitlager, Riitstunde, gfüehrti Usritt und Alpakatrekking aabote.

Momentan sueched sie no Spände für ihri Chuchi {Im Video une gahts echli um das} und wo ich hütt das Video entdeckt han {öppe am halbi eis ide Nacht x'D} hät mis Herz grad mega gschlage, well mer det so vill vo de neue Ranch gseht, wie mer bis jetzt no nie hät. Und drumm freu ich mich momentan grad meeeega uf das lager - obwohl s erscht am Ändi vo de Summerferie isch...

Aber ich han gnueg Gründ zum mich freue:
- Zwei Ross vo letscht Jahr {eis devo bin ich sogar gritte} bechömed es Fohle bzw. händ eis becho
- Ich gsehn d Ross ändlich wieder
- Ich chan neui Fründschafte schlüsse
- Ich chan e cooli Wuche ufemene coole Hof verbringe
-Ich gsehn d Leiter wieder
- Deet wird vorwiegend mit NHS {[Parelli] Natural Horsemanship} gschaffet
- S Ässe isch mega fein... ^^

So, das ischs gsii... ich han das eifach müesse loswerde x'D

Liebi Grüess,
pony
Melden
Der Avatar von Jackie Wed, 17 Feb 2016 20:53:07 +0100

Jackie

Mini Fantasiefründinnä

Wed, 17 Feb 2016 20:53:07 +0100

Mini Fantasiefründinnä

Hallo zämä

I bi im Momänt (mal wider) zimlech verzwiflet. I frage mi nämlech, ob mit mir no aues OK isch. I ha so mehreri Fantasiefründinnä wo haut glichi Inträsse (Polizei, Keyboard, Unihockey, Schuel) hei, wo ig o ha und ig mit ne guet us chume. Eini devo isch mini allerbeschti Fründin. Si heisst Lara Schwarz, so heisst e Person bi der Sändig "Auf Streife" wo ig cool finde. I mire Fantasie isch si glich aut wi ig u mir si zäme uf ere Polizeischuel in Köln, wo mir ou schlafe. Die andere Fantasiefründinnä wo ig ha, si o vo "Auf Streife" u äbe ou uf dere Polizeischuel.
U der Grund, werum ig mi Frage, ob mit mir no aues OK isch lutet wie folgt: I ha in Ächt äbe ir Klass kei einzigi Kollegin sondern bi eifach ir Klass drin u wirde nid ghänslet, was ja scho mau guet isch. U we de im Unterricht auf chüschelä u mit mir niemert chüschelet wie immer, isch i mire Fantasie die Lara mini Pultnachbarin. I Gedanke chüschelä ig zum Arbeite när ou mit mir. Ir Pousä isch si zwar nid da, wüu ig mit 2ne Modis us nere andere Klass guet us chume. Aber ufem Heiwäg u weni deheim bi, si di Fantasiefründinnä när sofort da u ig bi i Gedanke eigentlech in Köln u nid hie ir Schwiz. U der 2. Punkt isch, dass i mir ja vorschteue dass ig dert schlafe u nid derheime.
Heisst das, dass ig da mit mirä Familie irgendwelchi Problem ha, wo ig mir nid wott igeschtah? Ig bi äbä när deheim eigentlech nur no i dere Wäut u mache fasch nütt mit mire Familie. Okay, i ha nie viu mit ihne gmacht, aber i ha äbä Angscht um mi ire gwüssä Form, wüu mini Eutere hei gseit, dass das eigentlech schlimm isch und ig die Fantasiewäut muess "verbrönnä".
Oder isch das normau, dass mä mit fasch 13 Jahr so Fantasiefründinnä hett i däm usmas?
Bini scho ä däm Punkt acho, wo das schlimm isch? I machä mir äbä Sorge um mi. U was muess ig mache, wenn ig scho ä däm Punkt aacho bi?

Schribet bitte i de Kommentär itz nid, i söu der Suechbegriff Fantasiefreunde bzw. Immaginäre Freunde igäh. Wüu das würdi mir nid witerhäufe.

I bi itz scho ganz weni erliechteret, wo i das gschribä ha.

Euri Jackie
Melden
Der Avatar von Paeule Wed, 17 Feb 2016 20:07:36 +0100

Paeule

Ferien!

Wed, 17 Feb 2016 20:07:36 +0100

Ferien!

Hallo Zambomitglider!

Dieser Blog betrift grundsätzlich die die gerade Ferien haben.

Ich bin soeben von Hamburg zurück gekehrt. Dort Lebt nämlich ein teil meiner Verwandschaft. Endlich konnte ich meine Cousinen wider ein mal sehen! Doch eigentlich war der grund weshalb wir dort waren ganz und gar nich erfreulich! Weil wir dort an einer Beerdigung mussten. Am Dienstag ging ich mit meiner Mutter einkaufen! Das war dan wider um sehr cool! Vorallem weil ich neue Turnschuhe bekommen habe!
Noch doof war das wir 8-9 Stunden unterwegs waren!
( wir fuhren mit dem Auto ) Ich gehe aber auch noch in die Skiferien! (Freue mich! )

Und was habt ihr gemacht, macht, werdet machen?
Wie lange seid ihr da unterwegs?
Mit was?

Lg Paeule!

Ps: Lange Blogs,
schreibe ich lieber in Hoch deutsch!
Wohin?
Melden