Hey zäme (:

Ich weiss ja nöd, wie aktiv ihr uf YouTube sind, aber es paar vo eu händ sicher mitbecho, dass de YouTuber Simon Unge aka ungespielt und de Felix von der Laden aka Dner e zweiti Longboardtour planet händ - under anderem dur d'Schwiiz! Und die besagti Tour söt sogar no Ändi Mai starte!

Ich freu mich mega druff, well debii sind sicher de Jonah Pschl, de Stephan Gerick und [wahrschiinlich] au de Cheng Loew und de Julien Bam(!). Das wär für mich DIE Chance, en Teil vo miine 'Vorbilder' [vorallem de Simon und de Julien] zträffe und 'ganz normal' mitene zrede und zlongboarde.

Ich fänd's voll coo, wänn Zambo drüber würd brichte *.*

Und ihr? Händ ihr's mitbecho? Sind ihr villicht sogar au mal debii?

Liebi Grüess,
pony.

Hey zäme 😀

ich dänke, zimlich villne vo eu isch 'Narnia' en Begriff.
Ich bin sitt öppe ere Wuche mega Fan vode Film und han mer vorgnoh, sicher au mal d Büecher z'läse.

Händ ihr gwüsst, dass 2018 de Film zum vierte Buech veröffentlicht wird? Ich freu mich jetzt scho mega ^^

Aber was ich schad finde isch, dass miin Lieblingscharakter [de Kaspian] sehr wahrschiinlich nurno als alte Ma [also nüme vom Ben Barnes gpilt] vorcho wird...

Wie findet ihr Narnia und dass s vierte Buech verfilmt wird? Was isch eue Lieblingscharakter?

Liebi Grüess,
pony

Hey Zamboos'

Mir isch uufgfalle, wie emotional ich eigentlich bin, wänn's um [s'Ändi] vomene Film gaht.

Letschti han ich zum zweite Mal 'Die Chroniken von narnia - Prinz Kaspian' gluegt und bin nachher es richtigs emotionals Wrack gsi.



! ACHTUNG: SPILOER !

Am Liebschte hett ich s'Ändi veränderet - es richtigs Happy end für d'Susan und de Kaspian.

! SPIOLER VERBII !



Wänn ich gseh, was für e Familie die Schauspieler worde sind, wird ich genauso 'truurig', well ich das am liebschte sälber würd erläbe...

Aber so richtig glücklich machet miich all die Bloopers vom Filmset...Lueget sälber xD

Wie isch das bi eu? Gaht's eu mängisch au so, dass ihr am Filmändi mega truurig sind oder s'Ändi gar wetted verändere?


Liebi Grüess,
pony

Hey zäme (:

Känned ihr das Gfühl, wänn eu es Lied plötzlich völlig durenand bringt? ihr sind fröhlich und im nöchschte Momänt truurig und möchtet am liebschte brüele? Und das alles numme wägemene Lied?

Im Momänt git's foif Lieder wo mich vom einte zum andere Momänt fascht zum brüelä bringed.

- Mercy [by stego] - Das Lied bedüütet mir eifach mega vill. Es seit [miinere Meinig nah] eifach nume d Wahrheit...

- Lüchtragete [by stego] - S gliiche wie obe... ich has sogar live gseh..Es isch eifach krass perfekt.

- Heiwäg [by stego] - Irgendwie...truurig und fröhlich gliichziitig...

- Run boy run [by woodkid] - Ich weiss au ned - aber wo ich de Jason Bruegger ade Strapate zu dem Lied gseh han [dgst] hät die Perfomance und das Lied mich irgendwie so berüert und ich chan ned erkläre wieso...

- Hope there's someone [by antony and the johnsons] - Eifach es perfekts und truurigs Lied...


Händ ihr au so Lieder wo eu urplötzlich mega truurig, naadänklich mached? Wänn ja, welli? Wieso?

Liebi Grüess,
pony

Hey zäme (:

In letschter Ziit dänk ich sehr vill nah und chan all die Gedanke irgendwie nöd ordne. I all dem Ghetto ine bin ich au no über es Video vo de 'Luna Darko' {e YouTuberin} gstolperet, wo mich no meh zum dänke bracht hät. I dem Video isches drum gange, wieso mer sich sött vegetarisch/vegan ernähre. Sie hätt mir mega d Auge göffnet und ich han mir fescht vorgnoh, wenigschtens schrittwiis Vegetarierin zwerde.

Ich chan miin Standpunkt nanig würklich in Wort fasse, aber wers interessiert, chan ja mal s Video aaluege.

Was säged ihr? Fleisch oder nöd?

Liebi Grüess,
pony

Hey zäme,

Mich hät grad vor es paar Minute de Fotiblog vom Zambomitglied 'Diana28' uf e Idee bracht. Miis Ziil isch es, mindischtens eimal ide Wuche en 'KreaBlog'-Biitrag zschriibe. Das heisst en Blog, wo entweder es Foti oder e Gschicht bzw. en Uuschnitt us ere Gschicht beinhaltet.

Une händ er schomal e chliini Choschtprob vo miine Fotene, allerdings isch d Qualität nöd so super, well ich d Dateiegrössi rächt han müesse 'abeschruube'...

Lieb Grüess,
pony

Hey zäme ^^

Känned ihr das Gfühl, wänn ihr eu scho mega uf öppis freued, wo no meeeega wiit wäg isch und ihr no mega lang münd warte? Bi mir sind das momentan grad zwei Sache uf eimal, aber ich belas momentan bi öppisem, wo ich devo verzelle ^^...

Es isch es Riitlager in Düütschland uf de sogenannte 'CurlyRanch'. Ursprünglich isch das d Schlossranch gsii, aber jetzt isch si nach Düütschland zoge und heisst jetzt ebä Curlyranch, well sie sich jetzt nümm uf Quarter- bzw. Painthorse spezialisiered sondern uf Curlyhorse. Uf de ehemalige Schlossranch bin ich scho i drüü Lager gsii und han deet unter anderem miini grossi Liebi gfunde - es schwarzes Painthorse namens 'Lios Wonder'. Aber leider isch er verchauft worde...

Uf de CurlyRanch werded Riitlager, Riitstunde, gfüehrti Usritt und Alpakatrekking aabote.

Momentan sueched sie no Spände für ihri Chuchi {Im Video une gahts echli um das} und wo ich hütt das Video entdeckt han {öppe am halbi eis ide Nacht x'D} hät mis Herz grad mega gschlage, well mer det so vill vo de neue Ranch gseht, wie mer bis jetzt no nie hät. Und drumm freu ich mich momentan grad meeeega uf das lager - obwohl s erscht am Ändi vo de Summerferie isch...

Aber ich han gnueg Gründ zum mich freue:
- Zwei Ross vo letscht Jahr {eis devo bin ich sogar gritte} bechömed es Fohle bzw. händ eis becho
- Ich gsehn d Ross ändlich wieder
- Ich chan neui Fründschafte schlüsse
- Ich chan e cooli Wuche ufemene coole Hof verbringe
-Ich gsehn d Leiter wieder
- Deet wird vorwiegend mit NHS {[Parelli] Natural Horsemanship} gschaffet
- S Ässe isch mega fein... ^^

So, das ischs gsii... ich han das eifach müesse loswerde x'D

Liebi Grüess,
pony

Hey zäme,

Ihr glaubed gar nöd, wie glücklich ich grad bin. Im Novämer 2015 bin ich "per Zuefall" uf de Julien Bam gstosse und sit dänn mega grosse Fan. Uf Wiehnachte han ich mir dänn de Hoodie vo ihm gwünscht - und leider nöd übercho... Defür han ich en mir sälber bstellt. Es hät ursprünglich gheisse, dass er erscht abem 20.1. verschickt wird - und jetzt isch er scho da! ❤️

Ich bin grad gfühlt de glücklichscht Mänsch uf de ganze Wält...

Känned ihr de Julien Bam? Wänn ja, wie findet IHR en?

Liebi Grüess,
pony

Hey zäme,
ich weiss, ich han mich schon lang nümmme gmäldet, aber es isch asträngend ide Schuel... :S

Mir isch in letschter Ziit uufgfalle, dass Wiehnachte irgendwie immer uf e Art "gliich" gfiiret wird: Im Gottesdienscht singt mer alti, langsami und besinnlichi Lieder, mer isch ruhig und still. Au dihei sött mer a Wiehnachte eher ruhig si und mer lost Klassiker wie 'Stille Nacht'. Aber ich find, dass mer a Wiehnachte ruhig mal dörf durs Huus gumpe und, luut sii und sich eifach freue - dänn eigentlich fiiret mer Wiehnachte, well Jesus uf d'Wält cho isch, und das isch en fröhliche Aalass. Klar dörf mer au mal für es paar Minute echli still werde, aber doch nöd di ganzi Zit - mer chann sich zwar im Stille freue, aber das isch eifach nöd s Gliiche! Und ich han au nüt gäge die 'alte' Wiehnachtslieder, aber ich find, es dörfti au ruhig mal öppis fätzigers sii. Zum Biispiel 'Shake up Christmas' vo 'Train'. Es isch zwar nur indiräkt es Wiehnachtslied, aber es passt.

Wie gsend ihr das? Was sind eui Erfahrige? Was isch eui Meinig?

Liebi Grüess,
~ pony

Hei zäme,

Ich freu' mich mega uf morn. Morn gang ich nämlich mit enere ehemalige Allerbeschte-Schuelfründin ad Apassionata 2ol5. Ich bin scho letscht Jahr gsii, ich hans mehr wie das Jahr uf d Wiehnachte gwünscht. Wänns gaht mach ich es Video für Zambo ^^

Liebi Grüessli,

pony