Hoii zämmä, Wie goht euch so? Ich han jetzte endlich Summerferie und i freu mi soo uf die 6 Wuche wo i eifach frei han und dr Summer in volle Züg cha gniesse.😊 Heit dir au scho Summerferie? Wie lang heit dir?

I bin hütt vo dr Primarschuel verabschidet worde und chum nach de Ferie id Oberstuefe, drum e grossi Veränderig für mi. I freu mi risig, han abr au chli es speziells Gfühl, will i natürlich nit weiss was uf mi wird zue cho.

I wünsch euch allne gaanz schöni Ferie, an die wo nonig Ferie hei:,,Ihr schaffet das!''

Gaanz liebi Grüess euchi pferdi04❤️

Hoii zämmä, Juhuii endlich isch d Website neu gstaltet! Mir persönlich gfallt meega guet😍Mercii vill mol, für die Veränderig! I mues mi jetze natürlich widr chli dra gwöhne und so, abr das chunnt scho;)Finds würklech sooo e glungeni Website!

Mercii vill moll ad Zamboredaktion und as Zamboteam❤️

Euchi pferdi04

Liebe Roman❤️

mir hei erfahre dass du ufhörsch bi zambo☹️
mir si alli eifach sooo trurig und nidergschlage...
Wiso hörsch du denne uf?
mir wei das alli nit!
du bisch eus allne eifach scho meega i euses ZAMBO-HERZ gwachse!
blib doch bitte eifach.
mir wei alli NIT das DU gosch☹️mir si sooo trurig und ich bi grad seeehr verwirrt!
i finde das sooo schad Roman.
wiso denne????❤️

Liebi Grüessli im Name vo ALLNE Zambomithlider

pferdi04❤️

Liebi Zambomitglider,
mir hend e Ufgab becho vo dr Anna, aber hend no vill z wenig kommentär☹️also hauet uf d taschte und schribet doch en kommentar, wer scho no cool wenn mir die Ufgab chönnte meistere!

Euchi pferdi😃

PS: Nit vergesse numme 1 Kommentar schribe...!
...aber eine schribe😉

Liebi Zambomitglider,
i bi mit dr Klass ines 3 Tägigs Abschlusslager gange😉
es isch meega toll gsi...

so het das super Lager gstartet:
i bi am mittwuch, am 6.00 Uhr ufgstande, denne hani Zmorge egsse und dr Rucksack packt😃
denne bi i ind Schuel gange und mir si ufe Bus.
Mit em Bus si mir uf Laufe gfahre und vo dert uus mit em Zug nach Biel gfahre.
Mir si in Biel acho und si zerscht moll es Stück durch Biel gloffe...
...denne über 300 Stege ufe gloffe😀
si denne seeehr lang gloffe und hei denne nöime en Halt gmacht und Brötlet.
Dört hets no e meega tolle Spilplatz gha😉
denne si mir wiiter gloffe😉
mir hei 3 Gruppe gmacht:
langsami, mittleri und schnelli😉
mir si nach laaangem laufe bi eusere Hütte acho😉
und...
...die Ussicht isch eif. dr hammer gsi und es het au e tolle spilplatz gha😉
mir si meega abglege gsi und isch meega tollg si😉
mir hei zum Znacht risotto gha😃
irgendwenn si mir denne au no go schlofe😉

am nöchschte tag hei es paar scho am 5 am morge avo rede☹️
derbii hani welle schloofe...☹️
mir hei also sehr früeh zmorge gesse und dr gaanzi Morge Wahrheit od. Pflicht gschbilt😉
i han mir en Bart müese mole...☹️
mir hei denne irgendwenn zmittag gesse udn am nommitag isch e maa cho wo eus gfüehrt het zum Thema Energie.(isch aber nit würklech dr Hit gsi)🤔
mir hei no laag Wahrheit odr Plflicht gschbilet und denne emoll Zancht gesse!
Nachem Nachtesse hei sich d Buebe in Meitli verkleidet und d Meitli in Buebe😉
isch meega cool gsi😉
es het denne no en ,,Laufsteg geh und mir hei müese dert druff vor dr Schürie laufe.
es het denne no e priis geh😉ha aber nüt gwunne...
mir hei no lang also ganzi klass gredet im masselager und d lehrer si dusse am Handy gsi(was i persönlich es ,,noo goo,, finde.
mir hei aber denne au moll gschlofe. bevor d lehrer cho sind.

mir si am fritig denne gweckt worde mit muusig...
... und rootet um weeli ziit...
...am 6 horror odr?
mir hei denn moll zmorge gesse und denn hei mir am halb 9 müese ablaufe.
mir si wider dr glichi weg zrugg und hei 4 stunde gha.
denn si mir wider ufe zug und nach laufe gfahre.
vo derte wider zrugg zum schuelhuus und denne hei mir no zügnis becho😉
und scho gli bini dehei gsi und ha denne au gli moll schlofe😃

Das isch noni alles gsi, mir hei no vill mehr erlebt, aber so bechömet dir schomoll e Iblick drvo😉

Lg pferdi😉

hoffe dr Blog het euch gfalle😉

Höi zämmä,
wie goz denne euch eso?
und was heit dir hütt so schöns gmacht am Wucheend?
i han probiert Ches(Käse) herstelle.
i han das schomoll Probiert, denne hets aber nit so würklech klappet...

Jetze han ichs nomoll probiert und han zerscht 3 liter früschi milch gwermt und denne 4 messerspitze Lab pulver dri do,denne lo stoh 2 stund und in viereck gschnitte. denne bresst und gformt, jete würdi i de chees gern no lo riffe und salze dasses denne e schöns Chesli git.

i hetti meega freud wenn das würdi klappe!😉

mini Froge an euch:
heit dir das au scho moll probiert Ches herzstelle?
Würded ihrs gern emoll mache?

Liebi Grüessli pferdi😃

würdmi freue über Kommis und...
...sorry für mi Dialekt, hoff dir chöits lese und verstöndeds...🤔

Liebe Zambomitglieder

in der letzten Zeit habe ich sehr Mühe mit einschlafen☹️
ich denke über alles nach und es gelingt mir erst nach etwa 1 1/2 H zu schlafen☹️
Es isct nicht immer gleich, aber vorallem am Sonntag ist es schlimm, wenn ich am nächsten Tag wieder in die Schule muss. Ich denke darüber nach, was wir wohl wieder alles machen...
Es ist soo mühsam:devil:
ich hasse es☹️
Habt ihr ddas auch?
Könntet ihr mir villeicht Tipps geben, wie ich besser einshclafen kann?

wäre echt nett von euch😀

euchi pferdi04😉

Liebs Zamboteam,

Han hütt edliiich mis Päckli zuegschickt becho😃
Ha mi meega gfreut😉 Also erlich gseit, mini Gedult mit warte wer gli mol am Endi gsi😉

I han eifach nomoll welle Danke sege dass Dir mis Bild usgwehlt heit bim Zambofanbild- Wettbewerb❤️!

Also i han denkt, anderi hends fascht no mehr verdient als ich! Also au es ganz grosses Lob an die andere Zambomitglider😀 Wo sich soo vill müeh geh hend und uf Papier so schöni Kunstwerk zauberet hei❤️si meega schön worde😃

Ha mi meeega gfreut über die Filzstifte, Fensterfarbe und Wasserfarbe.

Danke no and Viviane wo mir das Päckli verpackt und gschikt het😃

Liebe Gruess pferdi04

Ps: Sorry das ich der Pät amme in dr Plauderbox so usgfrogt han öb er jetzt weiss wenn das Päckli chunnt😃 Also Pät, danke für dini Nerfe😃

Sali Liebi Zambomitglider,
i ha denkt, es isch wider moll Zyt für en Blog😴

I han eifach moll welle wüsse wies öich eigentlich allne so goht!
Goz euch gsundheitlich eigentlich guet?I find das no e wichtigi Frog! Me schribt so vill Post aber au in der Plauderbox und i find das isch eifach e wichtigi Frog wo villmoll au vergässe goht!

I han in letschder Zyt mega Rüggeweh im untere Teil vom Rügge☹️Es isch mega schmerzhaft...!
Denne duets mir immer wenn ich stegä(Treppe) lauf immer mega weh im Knie☹️Isch nit würklech toll, aber i denk die zwöi sache si wege der entwicklig und wegem wachsdumm meinet Dir nit au?
heit Dir villicht au so Wachstummsschüb?

Wünsch euch no vill gsundi Täg!😃

Liebe Gruess euri pferdi04

PS: i würd mi freue über villi Kommis😃

Hey zämmä, i hoffe es got allne guet😃
Mi hei scho mehreri Zambomitglider in der Plauderbox gfrogt wie me Smilies macht, drum due ich euch gern der Link do nonemoll verlinke🌹!

http://www.zambo.ch/Start/Archiv/2010/09/20/Zambothek/Wie-macht-man-Smilies

Vill Spass bim Smilies mache.

Liebe Gruess euchi pferdi04