Hallo Zämä
Ig bi hüt mit im Vater ad Fachverastautig vom Patrouille Suisse Fanclub in Emmen. Ä Patrouille Suisse Pilot het dert vo sire Usbiudig u winer überhoubt uf dä Bruef isch cho verzeut Äs isch mega spannen gsi u mir si vili Frage beantwortet worde.
Gruess Rega205
Hallo zäme
I bi dr Marc Stucki, bi 13ni u chume us em Kanton Bern. Mini grossi Lideschaft isch d Flügerei. Das intressiert mi scho lang, zersch Düsejets aber mit dr Zyt när o Passagiermaschine, Oldtimer u Helis.
Am 17. September 2018 hani mit em Zambo dörfe ä Reportage über ä Flughafe Zürich ga mache. Dert hani mega viu tolli u spannendi Sache chönne erläbe! Am beschte gfaue hei mir natürlich afe einisch d Flüger. Dert hei mir ä A330 am Dock E vo nachem chönne ga aluege. Was für mi o eine vo dä Höhepunkte isch gsi, isch dr Bsuech im Tower! Aber natürlich o die ganzi Reportage het mir super gfaue u i erinnere mi immer gärn dra!
DANKE VIU MAU!!!
Liebe Gruess Rega205
Hallo Zämä
Ig ha am Mäntig (17.09.2018 ) mitem Zambo ä Reportage überä Flughafe Züri chönnä ga mache. Ig bi ganz ufgregt gsi, hami aber oh sehr gfröit. Am Flughafe hani de d Julia u dr Nino troffe. Zämä si mir nähär zu üsem Guide,ad Akunft 2.
Aus erschts si mir d Sicherheitkontrolle ga aluegä. Der Guide het üs aues uber d Kontrolle erklährt u gseit wasme nid sötti mitnäh. Nächär si mir säuber dür d Kontrolle, u wüu mir nones Säckmässer hei derbi gha isch üses "Gepäck" no einisch kontrolliert worde. Aber am Schluss isch aues guet gsi. Aus nächtschs simer id Gepäcksortieralag. Vor üs hets ä RISEGI Maschine gha. Nachem Interview hei mir nähär äs Wägeli mit Koffer chönnä umlade. Die Koffer si aber mega schwär gsi u mir het scho nachem 2. dr Rüggä weh ta. Nach dr Gepäcksortieralag simer miter Skymetro zum Gate E gfahre. Dert heimer uf z Rollfeld chönnä u ä Airbus A 330 vo nachem chönnä ga aluegä. Dr Guide het aber nonä witeri überraschig parat gha. Uf dr Startbahn het sech grad ä Airbus A 380 parat gmacht zum starte. Als nächschts simer i Tower. D Ussicht isch gigantisch gsi. De heimer es Interview mitemnä Lotse gmacht. Aus letschtz simer itz Fundnbüro. Ig bi überrascht gsi wieviu Sache dases da het. Vo Handtäsche bis Tschäppu, vo Helm bis Handy, eifach aues. Nach der Reportage si mis Mami u ig no ufd Zueschouerterasse. Und siehe da, es isch no einisch ä
A 380 gstartet. Ig ha dä Täg mega cool gfunge u hane i volle Züg gnosse. A däm wunderbahre Tag si miner Tröim i Erfüllig gange u ig ha Sache dörfä erläbä wonig schüsch viläch nie hätti chönnä.
No einisch äs riese grosses MERCI VIUMAU a aui wo mir dä super Tag hei ermüglechet!
Hallo zämä
Ig bi vom Mäntig bis hüt ga schnupperä. U zwar bi Fritz Studer AG als Konstrukteur EFZ. Äs isch mega cool gsi😃😎Mir hei Risseegänzige gmacht u am CAD geschafft. 💻📠🖱️⌨️. Am Schluss hei mir de när no a trei 🔄 Bewegig Ine schwing↔️ Bewegig müessä umwandle. Daderzue hei mir zersch äs Pflichtenheft ersteut u när mit hiuf vo däm ä Lösung üstuftlet wo mir när skizziert, mit em CAD gmacht i de dä Lehrlinge vorgeführt hei. Äs isch mega cool gsi, d Lüüt si nätt gsi u ig ha o nöii Kollege kenne gleert😃😎🙂😉
Heit dir oscho mau gschnupperge?
Wenn ja wo? Aus was? U wie hets öich gfaue?
Lg Rega205
Hallo zämä
Ig bi ja am Zueckunftstag bir Swisshelicopter gsi. Itze im Momänt bini grad am Dankeschärtli schribe u vorauem zeichnä. Chani das Cärlti so schike? bitte schribetmers doch id kommentär.🙂
Liebi Grüess Rega205🙂
Hallo zämä
Ig bi geschter am Zueckunftstag bir Swisshelicopterbasis z Gsteigwiler- Interlakä gsi. Äs isch mega cool gsi. I chas nume witer empfälä. Ig mi am Morgä äm 6.20 ufgschtangä, u ha nähär am 6.50 müessä fahrä. Wo mir nähär si acho, isch grad ä Heli nach Grinduwaud gschtartet. Am 8-i hei mir üs nähär im ufenthautsrum besamlet u nis anang churz vorgschteut. Aschliessend hei mir viu intressants über Basis u d Helikopter erfahrä. Mir hei o ä Seilbahn Rettig chönä simulierä u nä Chuä Transport üebä. Ca. am 10.00 si mir nähär ache uf Thun zurä grossä Hauä vor Hoffmann Neopac. Dert hei viu Isolationsplatä müess ufegflogä wärdä. Mir hei aui ä Heum Unä Swisshelicopter Crew Lüchtwestä übercho. Wo nähär dr Helikoptr isch cho hei mir live chönä drbisi, u luegä wie dr Heli betankt isch wordä u wie z 70M Seil isch aghänkt wordä. Dr nächscht Uftrag isch nähär bim Gfängnis gsi dert hei müessä Lüftigs elemänt ufegflogä wärdä.wägä dr Sicherheit het teuwis o d Strass müessä gspert wärdä. Nacherä schönä Pizza si mir nähär zrug uf Basis. Dert hei mir nähär dr Heli ichegno, u z Cockpit u dr Heli säuber agluegt. Nähär hei mir vom Chefpilot no viu intressants über z flüge augemein u über d usbiudig vo de verschidenä Prüef erfahrä. Plötzlech hets nähär geisä: " so Jungs Heli usänä u dri hoke mir mache nones Rundeli". Mir si überglücklech gsi. Mir hei jede Handgriff vom Pilot chönä beobachtä, u är het üs o aues erklährt u zeigt was der Helikopetr betrifft. Nach der Landig Isch no gföttelet u ustuscht worde. Aber nähär hets geisse Abschid näh. Äs hetmer mega gfaue. U ig ha o nöii Fründe gfunge.
Heit dir osonä coolä Zueckunftstag gha?
Wo siter gsi?
Liebi Grüess Rega205
PS. wär dr nächscht Zueckunftstag o bir Swisshelicopter wot verbringe. Plätz si scho aui usbuechet.
Mon, 18 Sep 2017 13:15:03 +0200
Hallo zämä
Wie dir sicher wüsst bi ig äm Samschti z sion ärä Airshow gsi. Mir si äm Fritiabä daheimä gangä, u hei nähär bi kolegä übernachtet. Mi Vater u ig si nähär äm Morgä us hus uf Sion. Ig hami scho di ganzi Wuchä druf gfröit. Aber itze isches ändläch sowit gsi. Äs isch mega cool gsi!
Lg Rega 205
Hallo zämä
Hüt ire Wuchä gani mit mim Vater a nä grossi Flugzüg show z sion. Ig fröiemi scho mega u chas chum erwarte. 😃 😄😃😀
Bsunders fröie ig mi uf aaui Flugforfüerigä. aber ganz bsungerss uf z Breitling Jet Team L-39 Albatros.
Grüesli Rega205
Hi zämä
Mi Vater u ig si geschter gsi da Patrouille Suisse luegä. Si hei z Spiez für z Senachtsfescht träniert. Äs isch mega cool gsi mir hei sä vom Bahnhof us gluegt. Lg Rega205
