Hallo liebi Zambowält🌻

hüt isch leider mi letschd Tag uf Zambo😣morn wirdeni 15ni u das heisst, das mini Zamboziit leider verbii isch...

i wünsche euch allne alles, alles Guete uf öiem Läbenswäg🤞🏼🍀merci für die tolle Unterhaltige woni hie über Zambo ha dörrfe füere! I has immr sehr gnosse mit öich💖

und i wünsche nech übermorn e schöne 1. August🎉🎆🎇

ha euch alli mega gärn💖

Liebe Gruess und gueti Ziit, eues

Luuni03/ Leonie🌸✨💖

Hallo Zambowält 🌎

i 24 Täg isch mini Zamboziit verbii🙃😪i wirde 15ni🙃i bi sehr lang derbii gsii... dankä ah all die coole, interessante Gspräch woni hie drüber ha dörrfe füere😊💓i wünsche öich allne nume z Beschte i eure Zuekunft! Gniesset d Summerferie!☀️u mi grösscht Wunsch: gniesset d Schuelziit! Ig darf iz numeno eis Jahr id Schuel u ner giits für mi id Bruefswält... i sägenech, das giit schnäller als me denkt. Ersch grad bini no ir 4. Klass gsii u ha denkt: „boa no nedemal d Hälfti vo dere Schuelziit hani gschafft, das giit ja eeewig🙄“ aber iz weri froh, weni ersch d Hälfti hetti... me lert sooo viil wärtvolli Lüt kenne ir Schuel. Das schetzt me leider ersch richtig, weme ebe de nümme lang id Schuel darf gah😕was weri d Schuel ohni Kolleginne u Kollege? Meeeega lengwilig😂häbet düre u gniessets☀️💓

Liebe Gruess, eues Luuni03/ Leonie🦁

hallo liebi Zambowält🌻

ig hoffe euch geiz allne guet🤗es isch so komisch... langsam merkeni wieni erwachse wirde... woni im Chindergarte bi gsii si für mi schonume d 4. Klässler riisig gsii🙇🏼‍♀️ir 4. Klass si d 6. Klässler riisig gsii... u ir 6. Klass si d 9. Klässler riisig gsii und i hamer nie chönne vorstelle, das ig, die chlini Leonie og mal so gross bi... u iz bini das scho fasch🙃i bi ider 8. Klass und mis Läbä isch sech grad ganz fescht am verendere. i es paar wenige Täg hani es Vorstelligsgspräch für d Lehrstell i mim Troumbetriib. i chume imne Jahr scho us der Schuel u wirde erwachse💭🙈u scho i wenige Mönet muesi Zambo verlah😞ig bi scho sit gaaaanz am Afang im Zambo derbii😍no wos im Fernseh so Zamboquiz het gäh, da mani mi no guet erinnere wieni das immer ha glueget😇ds Zambo isch für mi e schöni Ziit gsi, danke für das☺️i wett euch allne viil Glück für euri Zuekunft wünsche🍀

ganz e liebe Gruess, eues Luuni03/ Leonie🦁

Hallo Zambowält🤗

ig bi scho lang nümm online gsii😶mir hei mega stressig kah ir Schuel😪aber jetz si ja Ferie😊ig gah ide Ferie nume gah Schnuppere😅und was machet ihr so i öine Ferie? Göht ir ids Usland oder machet er öppis cools deheime oder göter vilech ou wie ig gah Schnuppere?🤨schribets doch mal id Kommentär😄

Liebe Gruess, öies Luuni03/ Leonie😘

Hallo liebi Zambowält❄️🎄scho glii isch Wiehnachte u ig fröiemi sehr! Ig bi dankbar für das Jahr aber i mues euch iz glich mal verzelle, wasi alls i demm Jahr ha müesse düremache...🙃also am 1. März 2017 bini im Sportunterricht ir Schuel vome Giel vo hinde miteme Basketball 🏀 troffe worde. Ig ha e feschti Ghirnerschütterig und es Schleudertrauma überchoo😓( es Schleudertrauman isch, weme bime Unfall, z.B. Autounfall, am Rügge ner e paar Wirble verschobe het.) bi mir het jetz das sogar nur e Basketball gschafft. Naja vo demm Unfall hani ou no e Gedächtnislücke... ig ha ner 2 Mönet nümme id Schuel chönne wili soooo fescht Chopfwee ha kah😢woni wider id Schuel ha chönne, hani mega viil müesse nachehole. Aber da ig zum glück e Gschidi bi, hani di 7. Klass ned müesse widerhole😅also das Schleudertrauma isch jetz scho 9 Mönet här, und i ha mengisch immerno Chopfwee dervoo😓vor eim Monet hani mer ner no der chlin Finger verstuucht und prellt... das hani ou im Schuelsport gschafft vome Volleyball. De isch jetz wider ir Ornig... derfür hanimer geschter (scho wider im Schuelsport😂) bim Unihockey 🏑no es Band am Fuess grisse😩iz hani mind. 2 Wuche Krücke und öppe 6 Wuche e Schine🙃ig ha mega Schmärze und am Sunnti wer ja scho Wiehnachte😩.

Heit ier oscho mal sone Pächsträne kah?😢wenn ja schribets mer doch id Kommentär dasi nid so elleini bi😅❤️

Liebs Grüessli, schöni Festtäg und e guete Rutsch ids nöie Jahr wünscht euch eues

Luuni03/ Leonie🎄❄️

Heii zämä🤗

hie zwöi Fotos vo mier wo mit mim Handy si gmacht worde, i finde d Qualität für nes Handy gar nid mal so schlächt😃z erschte Bild isch vo mim Oug👁u z zweite vome See wo ig vordranne sitze😇schribet doch id Kommentär was ier für ne Ougefarb heit😇würd mi interessiere😊

Lg eues Luuni😇

Hallo Zambowält🤗

wär vo euch isch online? I hetti Lust zum Chatte😃Mir isch mega langwilig wils so gruusig Wätter isch😕schribets doch id Kommentär we dir online sid😊

Lg eues Luuni03/ Leonie😇🦁🙋🏼

Liebi Loulumaus❤️💫

du bisch e mega nätti Person wo ig mega schnäll i z härz gschlosse ha🍀😊mit dir chame über alli Theme schribe u du hesch eim immer e guete Rat parad💗💫i denke alli Zambomitglider wo di scho kenne schetze dig u die wo di no ni kenne söte dir umbedingt jetz sofort e Fründschaftsafrag schicke😝❤️Du bisch toll so wie du bisch und i wünsche dir z beschte für dini Zuekunft!🍀

dis Luuni❤️🦁

Hallöle zämä 🤗

Ig ha e Frag, und zwar: heit ier gärn chlini Chinder (Babys)? I liebe chlini Chind u würde soo gärn weni ned scho soviil Hobbys hetti gärn gah Chinder hüete☺️👍🏼👶🏼 aber äbä, alles chame halt o ned mache😪🍃

Hie no zwüü Fötteli vo miir woni es chlises Baby bi gsii ☺️👶🏼

Hallo zämä🤗

hie e Link vome Lied wo mi Brueder i immer zämä singe😊😅es isch es mega luschtigs Lied wils mega höi ufe geit ume so mega spass het wemes singt😉☺️

Link

Es iach chli es speziells Video😂aber loset doch bis zum Refrain👍🏼🤗

Lg Luuni03/ Leonie🦁