Hoi zäme,hüt am Morge si mir i Karl's Hofladen z Rövershagen gange. Dert cha me feini Konfi und Seife und Däfeli und weiss nid was aues no. Vo der Seife und vo de Däfeli chöme no Föteli. De si mer wider hei. Am Nomi si mer uf Warnemünde chli go umeloufe. De si mer is Restaurant vo üsere Ferieaalag gange. Dert hani Spaghetti bolognese und spöter e Chugele Schoggi-Glace gässe. Und plötzlech hets dusse agfange rägne wie blöd 🌧🌧🌧und blitzt hets ou e paar mou⛈⛈⛈. De Donner het me aber fasch nid ghört, wüu am Meer jo aues flach isch.

Eue Donaldo

Hoi zäme, hüt am Morge si mer uf Diedrichshagen a Strand go Steine sueche. De si mer öppis go ässe. Am Nomi si mer uf Warnemünde go shoppe und hei no d Regal Princess gluegt.

Eue Donaldo

Ig ha no drü Büuder: Sunneungergang über der Seebrügg vo Graal-Müritz, Waffle mit Öpfumus und Sunneungergang nomou!

Hoi zäme, hüt am Morge si mir uf Ahrenshoop a d Steilküste gfahre. Dert hei mer gfötelet und ,was natürlech derzue ghört, chli glädelet. 👍🏻 De si mer uf Wustrow und hei dert Wafflene gässe. Die si fein gsi😋👍🏻!!

Und am Obe si mer uf Graal-Müritz uf d Seebrügg de Sunneungergang go luege🌅

Eue Donaldo

Hoi zäme, hüt am Morge si mir uf Zingst gfahre. Das isch uf der Halbinsle Fischland-Darss-Zingst. Dert hei mer glädelet und si de nächär wider i d Ferieaalag. Am Obe si mer wider uf Warnemünde, aber das mou nid nume zum Schiffe🛳🛳luege, sondern ou zum Glace ässe!!!!🍦🍦🍦 MMMMMHHHHH!!!!!😋😋😋

Eue Donaldo

PS: Uf de Büuder si der Alte Strom z Warnemünde und s Schiff, wo mir nume am Pier hei gseh,wüu s ersch uslouft. Und no de Lüchtturm vo Warnemünde.

Hie si no d Büudli vom Züg wo mer gchouft hei.

Hoi zäme, hüt am Morge si mir uf Warnemünde go shoppe. Mir hei ganz cools Züg gchouft. Do chöme no Büudli. De si mir i üsi Ferieaalag zrugg. Am Obe si mir nächär no go Schiffe luege uf Warnemünde🛳🛳. Das Schiff wo mir si go luege,isch eifach statt am 19:00 eifach e Stung z spät,auso am 20:00 abgfahre!! So ne Seich!! Und grägnet🌧🌧 hets ou und chum isch s Schiff use, hets uftoh und mir hei e schöne Sunneungergang chönne bestuune. 🌅🌅

Eue Donaldo

Hoi zäme de Blog chunnt chli spöter. Excuse!! Auso: Geschter am Morge si mir uf Wustrow a ne Künstlermärit gange. Dert hani cooli Sache gchouft. Do chöme no Büuder dervo. Am Obe si mer i s Restaurant go ässe und nächär go schlofe.

Hoi Lüt, hüt am Morge si mir ufenem Ussichtspunkt gsi wo Wilhelmshöhe heisst. De si mer i s Dorf Diedrichshagen gange. Dert hei mir s Kultsymbol vo Rostock aus Chläber gfunge. Itz hani e säuber kreierti Handyhülle!!!😀😀👍🏻👍🏻😍 Am Obe si mir nächär wider uf Warnemünde go Schiffe luege. 🛳🛳 Vo dene chöme ou no Föteli und e Sunneungergang hani natürlech ou uf Lager👍🏻🌅

Eue Donaldo

PS: Wenn dir euch frogit, werum das ig e Fischgräte uf der Handyhülle ha, de säge ig euch: Es isch gar ke Fischgräte, sondern wenn me s mou weiss, das es Rostock heisst de gseht me ou das es ke Fischgräte isch.

Hoi zäme, hüt am Morge si mit uf der Outobahn dür ne ungerirdische Tunnel gfahre. Dä geit unger der Warnow düre, das isch e Fluss wo i d Oschtsee fliesst. Und mir hei e Lade gsuecht und gsuecht bis mer gmerkt hei, das a dere Adrässe nume s Büro isch. 😂

Am Obe si mer uf Warnemünde füre und hei a nem Schiff bim Usloufe zuegluegt und derbi wider e schöne Sunneungergang gseh. 👍🏻🌞🌅

Eue Donaldo