Chöit dir bitte mi Blog kommentiere?? Dir müesst nume uf e Link klicke. Link

Eue Donaldo

Hoi zäme, mir si jo am Meer gsi. Dert hei mir Steine gfunge. Und tatsächlech hei mir drunger ou e Hühnergott gfunge!!! E Hühnergott isch e Stei mit enem Loch wo vom Wasser usgwäsche worde isch.

Eue Donaldo

Hoi zäme, de Blog hani geschter vergässe z schribe aber jetz chunnt er no:

Am Morge si mir ca. am 9i losgfahre und si öppe am haubi 8i am Obe hei cho. Das si öppe 750 km gsi. Und jo, me chani euch nümme verzöue. Die Sunneungergäng, ds Meer, ach soooo schön aues dert obe!! Ig wett grad dert bliibe!!

Eue Donaldo

Hoi zäme, hüt si mir vo Lüneburg uf Isenbüttel gfahre. Das si nume öppe 100 km gsi. De si mer chli uf Gifhorn. Dert hani chli i nem Buechlade gstöberet, ha aber nüt gfunge. Morn gö mir , sowit i weiss nächär scho hei😢 Uf em Büud isch d Chile vo Isenbüttel. Dert hei si übrigens de Bach 3 Viertu voll. 😮

Eue Donaldo

Hoi zäme, hüt am Morge hei si nomou Film dräit. De si mer i Karstadt und i Müller und Buechlade go shoppe. Und de si mer nomou e feini Pizza go ässe😋😋.

Hoi zäme,hüt si mir vo Markgrafenheide uf Lüneburg gfahre. Wo mir dert si aacho, hani so nes komischs Schild gseh und wo nis ha gläse hani dänkt: Oh mein Gott!! Die dräie hie e Film!! Churz druf abe hei mir würklech s Set vo däm Film gseh❗️❗️❗️De si mer e feini Pizza go ässe!😋😋

Eue Donaldo

Hoi zäme, hüt am Morge si mir uf Zingst go shoppe. Dert hani cools Züg gchouft. De hets agfange z rägne🌧. Drum si mer i nes Restaurant gange und hei lang uf s Ässe gwartet,aber es het sech glohnt, wüu es isch eifach unbeschriiblech fein gsi😋😋😋!! Dert hei mer nächär spöter no es feins italienisches🇮🇹 Eis gässe 😋😋😋!! Am Obe si mir uf Warnemünde go Schiffe luege und nächär si mer no a Strand abe de Sunneungergang go fötele. Leider der letzte für das Johr😭😭😭😥❗️❗️I cha euch aber säge, lang si mer nid am Strand blibe,wäg dene blöde,doofe Muggene. 😬

I ha sicher öppe 20 Stiche! Die Dinger si hür ou agressiv wie weiss nid was!!👎🏻👎🏻

Eue Donaldo

Hoi zäme, hüt am Morge si mir uf Warnemünde a ne Künstlermärit. Dert hani mir e cooli Eule gchouft. 🦉De si mer no go shoppe und hei no d AIDAmar im Hafe gluegt. 🛳🛳

Vo der Eule und em Schiff chunnt no es Büud.

Eue Donaldo

Hie isch no de Sunneungergang

Hoi zäme, hüt am Morge si mir uf Ribnitz-Damgarten gange. Dert hani es cools Puzzle gchouft. Nächär si mer uf Graal-Müritz no chli go Gäud usgäh. Dert hani bi nem Outomat e cooli Medaille usegloh. De si mer hei. Am 18:00 si mer uf Warnemünde füre gange. Hüt si 2 Schiffe🛳🛳 im Hafe gsi: D Costa Favolosa und d Viking Sky. Die hei mer beidi gluegt,wie si usloufe und si nächär no es feins dänisches Eis go ässe😋😋😋🍦🍦🍦👍🏻!! MMMMMMHHHHHHHHH!!!!❗️❗️❗️

Und wo mer zrugg si gloufe, hani e Outomat entdeckt,wo mer Kunscht cha uselo. Dert hani mer eis usegloh. Vo däm und auem angere vo däm Blog chunnt es Büud. Und e schöne Sunneungergang hei mer o no gseh.

Eue Donaldo